ਕੌਲ-ਇਕਰਾਰ

ਜਿਨ੍ਹਾਂ ਨਾਲ ਤੂੰ ਗਈ ਸੀ, ਦੇਖ ਪਰਤ ਆਈਆਂ ਬਹਾਰਾਂ ਉਹ,

ਜੋ ਯਾਰ ਤੇਰੇ ਵਿਚ ਮੈਂ ਖੋਇਆ ਸੀ, ਨਾ ਮਿਲਿਆ ਲੱਖ ਹਜ਼ਾਰਾਂ 'ਚੋਂ।

 

ਦੱਸ ਪਿਆਰ ਦੀ ਮੰਡੀ ਕਿੰਝ ਜਾਵਾਂ ਮੈਂ, ਬਿਨ ਕੋਠੀਆਂ ਕਾਰਾਂ ਤੋਂ,

ਜੋ ਵਫ਼ਾ ਤੂੰ ਕਮਾਕੇ ਗਈਂ ਏਂ, ਨਹੀਂ ਮਿਲਦੀ ਇਸ਼ਕ ਬਜ਼ਾਰਾਂ 'ਚੋਂ।

 

ਤੇਰਾ ਪਰਤ ਆਉਣਾ ਮੁੜ ਮੇਰੇ ਕੋਲ, ਹੈ ਕਿਤੇ ਵੱਡਾ ਤਿਉਹਾਰਾਂ ਤੋਂ,

ਮੇਰੇ ਜਿਹੇ ਰੁੱਖਾਂ ਨੂੰ ਕਿੰਨਾ ਚਾਅ ਹੁੰਦਾ, ਤੂੰ ਪੁੱਛਕੇ ਦੇਖ ਬਹਾਰਾਂ ਤੋਂ।

 

ਦਿਲ ਨਹੀਂ ਰਹਿੰਦੇ ਪਹਿਲਾਂ ਜਿਹੇ, ਜੇ ਕੋਈ ਫਿਰਜੇ ਕੌਲ-ਇਕਰਾਰਾਂ ਤੋਂ,

ਅਰਮਾਨ ਰਹਿਣਾ ਪੈਂਦਾ ਬਚਕੇ ਫਿਰ, ਆਸ਼ਿਕ ਪਾਗਲ ਅਵਾਰਾ ਤੋਂ।