ਉਹਦੇ ਜਿਹੀ ਕੋਈ ਹੋਰ ਨਹੀਂ
ਉਹਦੇ ਜਿਹੀ ਕੋਈ ਹੋਰ ਨਹੀਂ, ਇਹ ਗੱਲ 'ਚ ਕੋਈ ਚੋਰ ਨਹੀਂ।
ਉਹ ਸੋਹਣੀ ਸੁਨੱਖੀ ਤੇ ਹੈ ਹੀ, ਪਰ ਸਾਦਗੀ ਦਾ ਵੀ ਕੋਈ ਤੋੜ ਨਹੀਂ।
ਉਹਦੇ ਜਿਹੀ ਕੋਈ ਹੋਰ ਨਹੀਂ...।
ਉਹਨੂੰ ਰੱਬ ਨੇ ਆਪ ਘੜਿਆ, ਐਵੇਂ ਤੇ ਨਹੀਂ ਦਿਲ ਉਹਤੇ ਮਰਿਆ।
ਫੱਬਿਆ ਨਹੀਂ ਸੀ ਦਿਲ ਕੋਈ, ਪਰ ਮੂਹਰੇ ਉਹਦੇ ਚੱਲਿਆ ਜ਼ੋਰ ਨਹੀਂ।
ਉਹਦੇ ਜਿਹੀ ਕੋਈ ਹੋਰ ਨਹੀਂ...।
ਉਹਨੂੰ ਘੜਤਾ ਸਿਫ਼ਤ ਨੂੰ ਅੱਖਰ ਨਹੀ ਘੜੇ, ਉਹਦੇ ਗੁਣ ਪਰੇ ਤੋਂ ਪਰੇ।
ਮੈਂ ਕਰਾਂ ਕੋਸ਼ਿਸ਼ ਸਿਫ਼ਤ ਕਰਾਂ, ਪਰ ਲੱਗੇ ਇੰਝ ਬਸ ਵਰਕੇ ਭਰੇ।
ਉਹਨੂੰ ਦੇਖ ਚੜ੍ਹਦੀ ਆ ਜੋ, ਇਹ ਅੱਖਰਾਂ ਵਿਚ ਉਹ ਲੋਰ ਨਹੀਂ।
ਉਹਦੇ ਜਿਹੀ ਕੋਈ ਹੋਰ ਨਹੀਂ...।
