ਸਾਰੇ ਮੁੰਡੇ ਮਾੜੇ ਨਹੀਂ ਹੁੰਦੇ
ਦਿਲ ਦੇ ਵਰਕੇ ਭਾਰੇ ਨਹੀਂ ਹੁੰਦੇ, ਹੰਝੂ ਸਾਰੇ ਖਾਰੇ ਨਹੀਂ ਹੁੰਦੇ।
ਐਵੇਂ ਕਹਿ ਦਿੰਦੇ ਨੇ ਲੋਕ ਅਕਸਰ, ਸਾਰੇ ਮੁੰਡੇ ਮਾੜੇ ਨਹੀਂ ਹੁੰਦੇ।
ਦਿਲਾਂ 'ਚ ਉਹ ਵੀ ਚਾਅ ਰੱਖਦੇ ਨੇ, ਪਰ ਅਕਸਰ ਹੀ ਗਵਾ ਰੱਖਦੇ ਨੇ,
ਹੁੰਦੇ ਨਿਕੰਮੇ ਜਾ ਮਿਹਨਤੀ, ਮੁੰਡੇ ਜਨਾਬ ਵਿਚਾਰੇ ਨਹੀਂ ਹੁੰਦੇ।
ਐਵੇਂ ਕਹਿ ਦਿੰਦੇ ਨੇ ਲੋਕ ਅਕਸਰ, ਸਾਰੇ ਮੁੰਡੇ ਮਾੜੇ ਨਹੀਂ ਹੁੰਦੇ।
ਰਿਸ਼ਤੇ ਨਿਭਾਉਣੇ ਕਿਹੜੇ ਸੌਖੇ ਪਏ ਨੇ, ਪੈਰ-ਪੈਰ 'ਤੇ ਧੋਖੇ ਪਏ ਨੇ,
ਅਜੋਕੇ ਸਮੇਂ ਦੀਆਂ ਅਜੋਕੀਆਂ ਗੱਲਾਂ, ਹਾਸਿਆਂ ਦੇ ਜਨਾਬ ਸੋਕੇ ਪਏ ਨੇ।
ਬਸ ਫ਼ਿਕਰਾਂ ਹੁੰਦੀਆਂ ਜਦ ਟੋਕਣ, ਦਿਲੀਂ ਕੋਈ ਸਾੜੇ ਨਹੀਂ ਹੁੰਦੇ।
ਐਵੇਂ ਕਹਿ ਦਿੰਦੇ ਨੇ ਲੋਕ ਅਕਸਰ, ਸਾਰੇ ਮੁੰਡੇ ਮਾੜੇ ਨਹੀ ਹੁੰਦੇ।
