ਤੇਰੀਆਂ ਯਾਦਾਂ
ਬਿਨਾਂ ਸੱਦੇ ਜੋ ਆਉਂਦੀਆਂ ਤੇਰੀਆਂ ਯਾਦਾਂ ਵੀ ਕਮਾਲ ਨੇ।
ਕਰ ਅੱਖ ਗਿੱਲੀ ਗਲ਼ ਲਾਉਂਦੀਆਂ ਤੇਰੀ ਯਾਦਾਂ ਵੀ ਕਮਾਲ ਨੇ।
ਕੁਝ ਖੈਰ ਨਹੀਂ ਤੇਰੇ ਮਗਰੋਂ, ਪਰ ਤੂੰ ਪੁੱਛ ਨਾ ਕੀ ਹਾਲ ਨੇ।
ਜਿਨ੍ਹਾਂ ਆਸਰੇ ਦਿਨ ਲੰਘੀ ਜਾਂਦੇ, ਤੇਰੀਆਂ ਯਾਦਾਂ ਵੀ ਕਮਾਲ ਨੇਂ।
ਪੁਰਾਣੇ ਜ਼ਖਮ ਹਰੇ ਕਰ ਦੇਣੇ, ਯਾਰ ਨਵਿਆਂ ਦੀ ਭਾਲ ਨੇ।
ਤੈਨੂੰ ਭੁੱਲਣ ਨਹੀਂ ਦੇਂਦੀਆਂ, ਤੇਰੀਆਂ ਯਾਦਾਂ ਵੀ ਕਮਾਲ ਨੇ।
ਜਿੰਨਾ ਨਿਕਲਾਂ ਫੱਸਦਾ ਜਾਵਾਂ, ਇਹ ਜ਼ੁਲਫ਼ਾਂ ਨੇ ਜਾਂ ਜਾਲ ਨੇ।
ਜਿਨ੍ਹਾਂ ਅੱਜ ਤੱਕ ਮੈਨੂੰ ਬੰਨ੍ਹ ਕੇ ਰੱਖਿਆ, ਤੇਰੀਆਂ ਯਾਦਾਂ ਵੀ ਕਮਾਲ ਨੇ।
ਤੇਰੇ ਤੋਂ ਵੱਧ ਸਮਾਂ ਹੰਢਾਇਆ ਮੇਰੇ ਨਾਲ, ਪਾੜੇ ਚੁੰਨੀ ਨਾਲੋਂ ਰੁਮਾਲ ਨੇ।
'ਅਰਮਾਨ' ਲੀਰੋ-ਲੀਰ ਕੀਤਾ ਪਿਆ, ਤੇਰੀਆਂ ਯਾਦਾਂ ਵੀ ਕਮਾਲ ਨੇ।
