ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ
ਹਾਂ ਨੇੜੇ ਚਾਹੇ ਜਰੂਰ ਰਹਾਂਗੇ, ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ।
ਇਹ ਦਿਲ ਜੁੜੇ ਸੀ, ਬਸ ਇਸੇ ਗੱਲੋਂ ਚੂਰ ਰਹਾਂਗੇ।
ਹਾਂ ਨੇੜੇ ਚਾਹੇ ਜ਼ਰੂਰ ਰਹਾਂਗੇ, ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ।
ਦੂਰ ਖੜ ਦੇਖਾਂਗੇ,
ਬੋਲੀ ਅੱਖੀਆਂ ਦੀ ਪੜ ਦੇਖਾਂਗੇ।
ਗੱਲਾਂ ਤਾਂ ਕਈ ਹੋਣਗੀਆਂ ਕਹਿਣ ਨੂੰ,
ਪਰ ਚੁੱਪ ਰਹਿਣ ਨੂੰ ਮਜਬੂਰ ਰਹਾਂਗੇ।
ਹਾਂ ਨੇੜੇ ਚਾਹੇ ਜ਼ਰੂਰ ਰਹਾਂਗੇ, ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ।
ਜਿਵੇਂ ਤਾਰੇ ਦਿੱਸਦੇ ਨੇ, ਪਰ ਦੂਰ ਨੇ,
ਇਹ ਰਿਸ਼ਤੇ ਜੁੜੇ ਸੀ, ਤਾਹੀਂ ਟੁੱਟਣ ਨੂੰ ਮਜਬੂਰ ਨੇ।
ਜੇ ਪੁੱਛਿਆ ਕਿਸੇ ਬੇਵਫਾ ਸੀ ਕੌਣ? ਇਕ-ਦੂਜੇ ਨੂੰ ਬੇਕਸੂਰ ਕਹਾਂਗੇ।
ਹਾਂ ਨੇੜੇ ਚਾਹੇ ਜ਼ਰੂਰ ਰਹਾਂਗੇ, ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ।
ਗੁਰਮਨ ਨਾਮ ਭੁਲਾਈ ਨਾ ਤੂੰ, ਹੁਣ ਇਹਤੋਂ ਗੱਲ ਵਧਾਈਂ ਨਾ ਤੂੰ।
ਇਸ਼ਕ ਨਾਲ ਤੈਨੂੰ ਨਫ਼ਰਤ ਹੋਜੂ, ਹੱਦੋਂ ਵਧ ਕੇ ਚਾਹੀਂ ਨਾ ਤੂੰ।
ਜੇ ਹੋਈਆਂ ਲਿਖੀਆਂ ਤਾਂ ਫਿਰ ਮਿਲਾਂਗੇ, ਵਿੱਚ ਉਹਦੇ ਦਸਤੂਰ ਰਹਾਂਗੇ।
ਹਾਂ ਨੇੜੇ ਚਾਹੇ ਜਰੂਰ ਰਹਾਂਗੇ, ਪਰ ਇਕ-ਦੂਜੇ ਤੋਂ ਦੂਰ ਰਹਾਂਗੇ।
