ਖੌਰੇ ਬੇ-ਦਰਦੀ ਕਿਉਂ ਕਰਦੀ ਆ
ਖੌਰੇ ਬੇ-ਦਰਦੀ ਕਿਉਂ ਕਰਦੀ ਆ?
ਐਵੀਂ ਰੋਜ਼ ਕਿਉਂ ਲੜਦੀ ਆ?
ਰਹਿੰਦੀ ਵੀ ਨਹੀਂ ਮੇਰੇ ਨਾਲ,
ਤੇ ਮੇਰੇ ਬਿਨ ਵੀ ਮਰਦੀ ਆ।
ਖੌਰੇ ਬੇ-ਦਰਦੀ ਕਿਉਂ ਕਰਦੀ ਆ?
ਕੋਈ ਗੱਲ ਦਿਲ 'ਚ ਆ ਕਰੇ,
ਆਪਣਾ ਹੱਕ ਜਿਤਾ ਕਰੇ।
ਜੇ ਕਹਿੰਦੀ ਮੈਂ ਨਹੀਂ ਸਮਝਦਾ,
ਫੇਰ ਉਹ ਸਮਝਾ ਕਰੇ।
ਸੇਕ ਦਿਲ ਉਹਦੇ ਦਾ ਵੀ ਠਾਰੂ ਮੈਂ,
ਕਿਉਂ ਐਵੇਂ ਰਹਿੰਦੀ ਸੜਦੀ ਆ।
ਖੌਰੇ ਬੇ-ਦਰਦੀ ਕਿਉਂ ਕਰਦੀ ਆ..?
ਜਾਂ ਆਪਣਾ ਨਾ ਸਮਝੇ ਜਾਂ ਹੱਕ ਨਹੀਂ,
ਸਮਝੇ ਇੰਝ ਕਿ ਮੈਂ ਵੱਖ ਨਹੀਂ।
ਜੇ ਉਹ ਭਿੱਜੇ ਮੈਂ ਠਰਦਾ ਹਾਂ,
ਉਹਦੀ ਆਈ? ਚੱਲ ਮੈਂ ਮਰਦਾ ਹਾਂ।
ਉਹ ਸਮਝੇ ਨਾ ਗੱਲ ਦਿਲ ਦੀ,
ਉਂਝ ਕਿੰਨਾ ਉਹ ਪੜ੍ਹਦੀ ਆ।
ਖੌਰੇ ਬੇ-ਦਰਦੀ ਕਿਉਂ ਕਰਦੀ ਆ?
