ਹੋ ਜਾਣਾ ਇਸ਼ਕ ਮੈਨੂੰ ਡਰ ਲੱਗਦਾ
ਨਿੱਤ ਗੱਲ ਮੈਥੋਂ ਕਰ ਨਹੀਂ ਹੋਣੀ,
ਅੱਖੀਆਂ ਦੀ ਬੋਲੀ ਪੜ੍ਹ ਨਹੀਂ ਹੋਣੀ।
ਕਿਸੇ ਗੱਲੋਂ ਲੰਘਦਾ ਨੀਵੀਂ ਪਾ ਕੇ,
ਤੇਰਾ ਹੁਸਨ ਸਿਰ ਮੇਰੇ ਜਾਣਾ ਚੜ੍ਹ ਲੱਗਦਾ।
ਜੇ ਤੱਕ ਲਿਆ ਤੈਨੂੰ ਅੱਖੀਆਂ 'ਚ,
ਹੋ ਜਾਣਾ ਇਸ਼ਕ ਮੈਨੂੰ ਡਰ ਲੱਗਦਾ।
ਤੂੰ ਮੈਥੋਂ ਮੈਨੂੰ ਹੀ ਖੋਹ ਲੈਣਾ,
ਹੱਸ ਦੇ ਪੱਲ ਮੋਹ ਲੈਣਾ।
ਤੈਨੂੰ ਦੇਖ ਕੇ ਹੀ ਜਿਉਂਦਾ ਮੈਂ,
ਤੈਨੂੰ ਦੇਖ ਕੇ ਮੈਂ ਜਾਣਾ ਮਰ ਲੱਗਦਾ।
ਜੇ ਤੱਕ ਲਿਆ ਤੈਨੂੰ ਅੱਖੀਆਂ 'ਚ,
ਹੋ ਜਾਣਾ ਇਸ਼ਕ ਮੈਨੂੰ ਡਰ ਲੱਗਦਾ।
ਇਸ਼ਕ ਆ ਤੇਰੇ ਨਾਲ,
ਪਰ ਜਤਾਂਵਾਂ ਕਿੱਦਾਂ?
ਤੂੰ ਅੱਗ ਮੈਂ ਪਾਣੀ,
ਤੈਨੂੰ ਗਲ ਲਾਵਾਂ ਕਿੱਦਾਂ?
ਲਾ ਲਿਆ ਜੇ ਗਲ ਤੈਨੂੰ,
ਪਾਣੀ ਨੇ ਵੀ ਜਾਣਾ ਸੜ ਲੱਗਦਾ।
ਜੇ ਤੱਕ ਲਿਆ ਤੈਨੂੰ ਅੱਖੀਆਂ 'ਚ,
ਹੋ ਜਾਣਾ ਇਸ਼ਕ ਮੈਨੂੰ ਡਰ ਲਗਦਾ।
