ਸ਼ਬਦਾਂ ਵਿਚ, ਭਾਸ਼ਾ ਉਹ ਸੰਦ ਹੈ ਜਿਸ ਨੂੰ ਮਨੁੱਖ ਸਮਾਜਕ ਵਰਤਾਰਿਆ ਦਾ ਸਿਰਜਨਹਾਰ ਹੋਣ ਸਦਕਾ ਆਪਣੇ ਵਿਚਾਰਾਂ, ਭਾਵਨਾਵਾਂ, ਖਾਹਿਸ਼ਾਂ ਕਾਰਜਾਂ ਅਤੇ ਅਨੁਭਵ ਤੋਂ ਪ੍ਰਾਪਤ ਵਸਤੂ ਦੇ ਆਧਾਰ ਉਤੇ ਸਿਰਜਦਾ ਹੈ, ਫਿਰ ਉਨ੍ਹਾਂ ਤੋਂ ਪ੍ਰਭਾਵਿਤ ਹੁੰਦਾ ਹੈ ਅਤੇ ਮੋੜਵੇਂ ਰੂਪ ਵਿਚ ਉਨ੍ਹਾਂ ਨੂੰ ਪ੍ਰਭਾਵਿਤ ਕਰਦਾ ਹੈ ਅਤੇ ਉਨ੍ਹਾਂ ਤੋਂ ਮਨੁੱਖੀ ਸਮਾਜ ਦਾ ਡੂੰਘੇਰੇ ਆਧਾਰ ਬੱਝਦਾ ਹੈ।⁴

ਭਾਸ਼ਾ ਦਾ ਵਿਗਿਆਨਕ ਅਧਿਐਨ ਫਰਾਂਸੀਸੀ ਵਿਦਵਾਨ ਫਰਦੀਨਾ-ਦਾ-ਸਾਸਿਓਰ ਨੇ ਪਹਿਲੀ ਵਾਰ ਇਤਿਹਾਸਕਤਾ ਤੋਂ ਵੱਖਰੇ ਨਜ਼ਰੀਏ ਨਾਲ ਕੀਤਾ। ਉਸਦੀ ਧਾਰਨਾ ਹੈ ਕਿ ਮਾਨਵੀ ਭਾਸ਼ਾ ਦਾ ਉਚਰਿਤ ਰੂਪ 'ਚ ਅਧਿਐਨ ਹੋ ਸਕਦਾ ਹੈ। ਉਸਨੇ ਉਨੀਵੀਂ ਸਦੀ ਦੇ ਅੰਤ ਅਤੇ ਵੀਹਵੀ ਸਦੀ ਦੇ ਸ਼ੁਰੂ ਵਿਚ ਭਾਸ਼ਾ ਅਧਿਐਨ ਲਈ ਪਰੰਪਰਾਗਤ ਵਿਚਾਰਾਂ ਦੀ ਪ੍ਰਵਿਰਤੀ ਨਾਲੋਂ ਵੱਖਰਾ ਸਿਧਾਂਤ ਪੇਸ਼ ਕੀਤਾ ਜਿਸਨੂੰ ਸੰਰਚਨਾਤਮਕ ਭਾਸ਼ਾ ਵਿਗਿਆਨ ਕਿਹਾ ਗਿਆ। ਸਾਸਿਓਰ ਦੇ ਭਾਸ਼ਾਈ ਮਾਡਲਾਂ ਨੂੰ ਆਧਾਰ ਬਣਾ ਕੇ ਅੱਗੇ ਚਿੰਤਕਾਂ ਨੇ ਸੰਰਚਨਾਤਮਕ ਭਾਸ਼ਾ ਵਿਗਿਆਨ, ਸੰਰਚਨਾਵਾਦ ਅਤੇ ਚਿੰਨ੍ਹ-ਵਿਗਿਆਨ ਜਿਹੀਆਂ ਚਿੰਤਨ ਵਿਧੀਆਂ ਦਾ ਵਿਕਾਸ ਅਤੇ ਵਿਸਤਾਰ ਕੀਤਾ। ਇਸ ਤਰ੍ਹਾਂ ਭਾਸ਼ਾ ਦੇ ਸੰਰਚਨਾਤਮਕ ਅਧਿਐਨ ਦਾ ਮੋਢੀ ਸਾਸਿਓਰ ਹੈ। ਉਸ ਤੋਂ ਪਹਿਲਾਂ ਦਾ ਭਾਸ਼ਾ ਵਿਗਿਆਨ 'ਤੁਲਨਾਤਮਕ ਅਤੇ ਇਤਿਹਾਸਕ ਭਾਸ਼ਾ ਵਿਗਿਆਨ ਸੀ । ਭਾਸ਼ਾਵਾਂ ਦੀ ਤੁਲਨਾ ਰਾਹੀਂ ਮਨੁੱਖੀ ਭਾਸ਼ਾ ਤੇ ਇਤਿਹਾਸ ਨੂੰ ਉਲੀਕਣਾ ਭਾਸ਼ਾ ਵਿਗਿਆਨੀਆਂ ਦਾ ਮੁੱਖ ਮੰਤਵ ਸੀ । ਇਹ ਵਿਗਿਆਨੀ ਭਾਸ਼ਾ ਸ਼ਾਸਤਰ ਦੇ ਖੇਤਰ ਵਿਚ ਭਾਸ਼ਾ ਦਾ ਜਨਮ, ਵਿਕਾਸ ਅਤੇ ਇਤਿਹਾਸ ਬਾਰੇ ਸਿਧਾਂਤ ਅਤੇ ਨੇਮ ਸਥਾਪਤ ਕਰ ਰਹੇ ਸਨ, ਪਰੰਤੂ ਸਾਸਿਓਰ ਨੇ ਤੁਲਨਾਤਮਕ ਅਤੇ ਇਤਿਹਾਸਕ ਭਾਸ਼ਾ ਦੀ ਨੀਂਹ ਰੱਖੀ । ਸਾਸਿਓਰ ਦੇ ਭਾਸ਼ਾ ਵਿਗਿਆਨ ਅਧਿਐਨ ਨੇ ਭਾਸ਼ਾ ਦੀ ਹੋਂਦ ਵਿਧੀ ਨੂੰ ਸਮਝਣ ਲਈ ਇਕ ਆਧਾਰ ਪ੍ਰਦਾਨ ਕੀਤਾ ਜਿਸ ਨਾਲ ਚਿੰਤਨ ਵਿਧੀ ਵਿਚ ਵਾਪਰੇ ਬੁਨਿਆਦੀ ਪਰਿਵਰਤਨ ਨੂੰ ਸੰਰਚਨਾਵਾਦੀ ਅਤੇ ਚਿੰਨ੍ਹ ਵਿਗਿਆਨੀਆਂ ਨੇ ਇਕ ਵਿਸ਼ਾਲ ਅਤੇ ਵਿਸਤ੍ਰਿਤ ਅਧਿਐਨ ਰਾਹੀਂ ਨਵੀਆਂ ਵਿਧੀਆਂ ਸਾਹਮਣੇ ਲਿਆਂਦੀਆਂ।

ਸੰਰਚਨਾਤਮਕ ਭਾਸ਼ਾ ਵਿਗਿਆਨ ਨਾਲ ਵਸਤੂਗਤ ਅਧਿਐਨ ਦੀ ਥਾਂ ਸੰਰਚਨਾ ਦਾ ਅਧਿਐਨ ਮਹੱਤਵ ਪ੍ਰਾਪਤ ਕਰਦਾ ਹੈ। ਇਸ ਮਹੱਤਵ ਨੂੰ ਇਤਿਹਾਸਕ ਪਰਿਵਰਤਨ ਦੇ ਸੂਚਕ ਵਜੋਂ ਪ੍ਰਵਾਨ ਕੀਤਾ ਗਿਆ । ਜੈਨਾਥਨ ਕੁਲਰ ਦੇ ਸ਼ਬਦਾਂ ਵਿਚ ਵਸਤੂ ਤੋਂ ਸੰਰਚਨਾ ਵੱਲ ਮੁੜਨਾ ਅਸਲ ਵਿਚ ਵਿਸ਼ਵ ਦੀ ਪ੍ਰਤੱਖਣ ਵਿਧੀ(Mode of Perception) ਵਿਚ ਇਕ ਪ੍ਰਮੁੱਖ ਮੋੜ ਸੀ ।"⁵

ਸੰਰਚਨਾਤਮਕ ਭਾਸ਼ਾ ਵਿਗਿਆਨ ਨੇ ਵਿਸ਼ਵ ਚਿੰਤਨ ਨੂੰ ਸ਼ਕਤੀਸਾਲੀ ਢੰਗ ਨਾਲ ਪ੍ਰਭਾਵਤ ਕੀਤਾ। ਬਹੁਤ ਸਾਰੇ ਵਿਦਵਾਨਾਂ ਨੇ ਸੰਰਚਨਾਤਮਕ ਭਾਸ਼ਾ ਵਿਗਿਆਨ ਨੂੰ ਹੋਰ ਖੇਤਰਾਂ ਵਿਚ ਲਾਗੂ ਕਰਕੇ ਵਿਸਤਾਰਿਆ ਅਤੇ ਵਿਕਸਤ ਕੀਤਾ ਜਿਸ ਨਾਲ ਸੰਰਚਨਾਤਮਕ ਅਧਿਐਨ ਇਕ ਵਿਸ਼ੇਸ਼ ਚਿੰਤਨ ਵਿਧੀ ਵਜੋਂ ਨਿਖਰ ਕੇ ਸਾਹਮਣੇ ਆਇਆ। "ਲੈਵੀ ਸਤ੍ਰਾਸ ਨੇ ਮਾਨਵ-ਵਿਗਿਆਨ ਦੇ ਵਿਸ਼ਾਲ ਅਤੇ ਅਤਿਅੰਤ ਗੁੰਝਲਦਾਰ ਖੇਤਰ, ਰੋਮਨ ਜੈਕਬਸਨ ਨੇ ਭਾਸ਼ਾ ਵਿਗਿਆਨ ਦੇ ਯੂਨੀਵਿਗਿਆਨ ਪੱਖ, ਯਾ ਪਿਆਜੇ ਨੇ ਮਨੋਵਿਗਿਆਨ ਦੇ ਅਤਿ ਪੇਚੀਦ ਅਤੇ ਸੂਖਮ ਖੇਤਰ, ਅਤੇ ਫਰਾਂਕਿਓਸ ਜੈਕਬ ਨੇ ਜੀਵ-ਵਿਗਿਆਨ ਦੇ ਅਧਿਐਨ ਤੇ ਵਿਸ਼ਲੇਸ਼ਣ ਲਈ ਇਸ ਵਿਧੀ ਦਾ ਪ੍ਰਯੋਗ ਕੀਤਾ ।⁶

ਉਪਰੋਕਤ ਵਿਦਵਾਨਾ ਦਾ ਅਧਿਐਨ ਵਿਸ਼ਲੇਸ਼ਣ ਸੰਰਚਨਾਵਾਦ ਦੀਆਂ ਧਾਰਨਾਵਾਂ ਦੀ ਵਿਹਾਰਕ ਅਤੇ ਸਿਧਾਂਤਕ ਰੂਪ ਵਿਚ ਸਥਾਪਤੀ ਕਰਦਾ ਹੈ। ਸਾਸਿਓਰ ਦੁਆਰਾ ਪ੍ਰਸਤੁਤ ਸੰਰਚਨਾਤਮਕ