ਅਤੇ ਕਲਾ ਅਤੇ ਸਾਹਿਤ ਨੂੰ ਇਕ ਸਭਿਆਚਾਰਕ ਵਰਤਾਰੇ ਵਜੋਂ ਨਿਰਮਤ ਕਰਨਾ ਹੈ, ਘੋਖਣਾ ਹੈ ।⁴

ਇਕ ਹੋਰ ਪੱਛਮੀ ਵਿਦਵਾਨ ਚਿੰਤਕ ਸਾਸਿਓਰ ਦੀ ਵਿਚਾਰਧਾਰਾ ਦਾ ਮੁਲਾਕਣ ਕਰਦੇ ਹੋਏ ਚਿੰਨ੍ਹ ਵਿਗਿਆਨ ਨੂੰ ਸੰਚਾਰ ਵਹਿ ਕੇ ਵਿਗਿਆਨਕ ਅਧਿਐਨ ਲਈ ਸਿਧਾਂਤਕ ਆਧਾਰ ਪ੍ਰਦਾਨ ਕਰਦਾ ਹੈ। ਬਾਅਦ ਵਿਚ ਇਸ ਨੂੰ ਸੰਚਾਰ-ਸਿਧਾਂਤ' (Theory of Communica tion) ਵਜੋਂ ਵੀ ਵਿਚਾਰਿਆ ਗਿਆ ਹੈ। ਇਕ ਪੰਜਾਬੀ ਆਲੋਚਕ ਵੱਖ ਵੱਖ ਪੱਛਮੀ ਚਿੰਤਕਾਂ ਦੀਆਂ ਪਰਿਭਾਸ਼ਾਵਾਂ ਦਾ ਅਧਿਐਨ ਕਰਦੇ ਹੋਏ ਚਿੰਨ੍ਹ ਵਿਗਿਆਨ ਨੂੰ ਪਰਿਭਾਸ਼ਤ ਕਰਦਾ ਹੈ ਕਿ. "ਚਿੰਨ੍ਹ ਵਿਗਿਆਨ ਮਨੁੱਖ ਅਤੇ ਮਨੁੱਖੀ ਸੰਸਥਾਵਾਂ ਨਾਲ ਸੰਬੰਧਿਤ ਸੰਚਾਰੀ-ਜੁਗਤਾਂ ਦੇ ਪ੍ਰਬੰਧ ਦਾ ਅਧਿਐਨ ਅਤੇ ਵਿਸ਼ਲੇਸ਼ਣ ਕਰਦਾ ਹੈ । ਇਸ ਦੇ ਦਾਇਰੇ ਵਿਚ ਸਮੁੱਚੇ ਸਾਂਸਕ੍ਰਿਤਕ ਅਤੇ ਸਮਾਜਕ ਵਰਤਾਰੇ ਅਤੇ ਅਮਲ ਆ ਜਾਂਦੇ ਹਨ ਅਤੇ ਇਨ੍ਹਾਂ ਸਮਾਜਕ ਅਤੇ ਸਾਂਸਕ੍ਰਿਤਕ ਵਰਤਾਰਿਆਂ ਨੂੰ ਚਿੰਨ੍ਹ ਮੰਨਦਿਆਂ ਚਿੰਨ੍ਹ-ਵਿਗਿਆਨ ਰੂੜੀਆਂ ਅਤੇ ਨਿਯਮਾਂ ਦੇ ਉਨ੍ਹਾਂ ਸਿਸਟਮਾਂ ਤੇ ਵੀ ਵਿਚਾਰ ਕਰਦਾ ਹੈ, ਜਿਹੜੇ ਉਨ੍ਹਾਂ ਨੂੰ ਅਰਥ ਪ੍ਰਦਾਨ ਕਰਦੇ ਹਨ ।"⁵

ਇਸ ਤਰ੍ਹਾਂ ਚਿੰਨ੍ਹ ਵਿਗਿਆਨ ਉਹ ਅਧਿਐਨ ਵਿਧੀ ਹੈ ਜਿਹੜੀ ਸੰਚਾਰ ਸਿਧਾਂਤ ਰਾਹੀਂ ਮਾਨਵ ਸਿਰਜਤ ਸਾਂਸਕ੍ਰਿਤਰ ਸਿਰਜਨਾਵਾਂ ਅਤੇ ਮਾਨਵ ਸੰਬੰਧਿਤ ਵਰਤਾਰਿਆਂ ਨੂੰ ਚਿੰਨ੍ਹ ਪ੍ਰਬੰਧ ਮੰਨ ਕੇ ਉਨ੍ਹਾਂ ਦਾ ਅੰਗ ਨਿਖੇੜ ਕਰਕੇ ਉਨਾਂ ਦੇ ਅੰਦਰੂਨੀ ਭਾਵ ਸਾਰ ਅਤੇ ਅਰਥ-ਪ੍ਰਬੰਧ ਨੂੰ ਸਮਝਣ ਦਾ ਯਤਨ ਕਰਦੀ ਹੈ। ਇਸ ਅਰਥ ਪ੍ਰਬੰਧ ਦੇ ਇਤਿਹਾਸਕ ਸਮਾਜਕ ਅਤੇ ਸਾਸਕ੍ਰਿਤਕ ਸਰੋਕਾਰਾਂ ਨੂੰ ਉਜਾਗਰ ਕਰਕੇ ਚਿੰਨ੍ਹ-ਪ੍ਰਬੰਧਾਂ ਦੀ ਸਾਰਥਕਤਾ ਅਤੇ ਨਿਰਾਰਥਕਤਾ ਲੱਭ ਸਕਦੇ ਹਾਂ।

19ਵੀਂ ਸਦੀ ਦੇ ਅਖੀਰਲੇ ਦਹਾਕੇ ਅਤੇ ਵੀਹਵੀਂ ਸਦੀ ਦੇ ਆਰੰਭ ਵਿਚ ਤਰਕ ਸ਼ਾਸਤਰ ਅਤੇ ਭਾਸ਼ਾ ਵਿਗਿਆਨ ਦੇ ਖੇਤਰਾਂ ਵਿਚ ਕਈ ਇਨਕਲਾਬੀ ਕਦਮ ਪੁੱਟੇ ਗਏ । ਚਿੰਨ੍ਹ ਵਿਗਿਆਨ ਦੇ ਖੇਤਰ ਵਿਚ ਪਹਿਲਾ ਚਿੰਤਕ ਚਾਰਲਸ.ਐਸ.ਪੀਅਰਸ ਹੈ। ਚਾਰਲਸ ਸਮਕਾਲੀ ਚਿੰਨ੍ਹ ਸ਼ਾਸਤਰੀਆਂ ਚੋਂ ਇਕ ਸੀ ਜਿਸਨੇ ਚਿੰਨ੍ਹਾ ਦੇ ਆਮ (ਸਮਾਨ) ਸਿਧਾਂਤ ਦੇ ਕਈ ਪ੍ਰਸਨ ਉਭਾਰੇ । ਉਸਨੇ ਸਾਰੇ ਚਿੰਨ੍ਹਾਂ ਨੂੰ ਤਿੰਨ ਮੁੱਖ ਵਰਗਾਂ 'ਚ ਵੰਡਿਆ, ਇੰਡੈਕਸਜ਼, ਆਈਕੋਨਿਕ ਅਤੇ ਸਿੰਬਲਜ਼ ।⁶ ਪਰੰਤੂ ਪੀਅਰਸ ਦੇ ਚਿੰਤਨ ਦੀ ਦਿਸ਼ਾ ਵਿਸ਼ੇਸ਼ ਤੌਰ ਤੇ ਤਰਕ/ ਦਰਸ਼ਨ ਦੇ ਖੇਤਰ ਦੀ ਸੀ। ਉਸਨੇ ਚਿੰਨ੍ਹ ਵਿਗਿਆਨ ਨੂੰ ਵੀ ਤਰਕ ਦੇ ਖੇਤਰ ਵਿਚ ਰੱਖ ਕੇ ਚਿੰਨ੍ਹਾਂ ਦੀ ਬਹੁ-ਵਿਧਤਾ ਅਤੇ ਸਾਰਥਕਤਾ ਉਤੇ ਜ਼ੋਰ ਦਿੱਤਾ । ਜਿਆਦਾਤਰ ਪੀਅਰਸ ਦੇ ਚਿੰਨ੍ਹ ਵਿਗਿਆਨ ਨੇ ਤਰਕ ਦੇ ਖੇਤਰ ਦੇ ਅਧਿਐਨ ਦੀ ਮੰਗ ਉਤੇ ਜ਼ੋਰ ਦਿੱਤਾ। ਉਸਨੇ ਚਿੰਨ੍ਹ ਵਿਗਿਆਨ ਦੇ ਆਧਾਰ ਰੂਪ ਵਿਚ ਅਜਿਹੇ ਮਾਡਲ ਦੀ ਉਸਾਰੀ ਨਾ ਕੀਤੀ ਜਿਸਦੀ ਮਦਦ ਨਾਲ ਸਾਂਸਕ੍ਰਿਤਿਕ ਸਿਰਜਣਾਵਾਂ ਦਾ ਅਧਿਐਨ ਵਿਸ਼ਲੇਸ਼ਣ ਕੀਤਾ ਜਾ ਸਕੇ। ਪੀਅਰਸ ਤੋਂ ਬਾਦ ਇਕ ਹੋਰ ਅਮਰੀਕੀ ਦਾਰਸ਼ਨਿਕ ਚਾਰਲਸ ਮੋਰਿਸ ਨੇ ਇਸ ਖੇਤਰ ਵਿਚ ਵਾਧਾ ਕੀਤਾ, ਪਰੰਤੂ ਇਸ ਚਿੰਤਕ ਨੇ ਵੀ ਦਰਸ਼ਨ ਦੇ ਖੇਤਰ ਵਿਚ ਹੀ ਅਧਿਐਨ ਕੀਤਾ ਅਤੇ ਆਪਣੇ ਪੂਰਵਲੇ ਅਧਿਐਨ 'ਚ ਕੋਈ ਵੀ ਬੁਨਿਆਦੀ ਪਰਿਵਰਤਨ ਨਾ ਕਰਕੇ ਚਿੰਨ੍ਹ ਵਿਗਿਆਨ ਦੇ ਸਿਧਾਂਤ ਨੂੰ ਵਿਸਤਾਰ ਨਾ ਸਕਿਆ। "ਮੋਰਿਸ ਦੇ ਆਈਕੋਨਿਕ ਦੇ ਅਦੁੱਤੀਪਣ ਬਾਰੇ ਵਿਚਾਰ ਚਿੰਨ੍ਹ ਸਿਧਾਂਤ ਦੀਆਂ ਡੂੰਘੀਆਂ ਵਿਰੋਧਤਾਈਆਂ ਨੂੰ ਮਿਟਾ ਨਾ ਸਕੇ ।"⁷