2. ਬਾਹਰ ਕੇਂਦਰਤ ਬਣਤਰਾਂ :

ਬਾਹਰ ਕੇਂਦਰਤ ਬਣਤਰਾਂ ਨੂੰ ਅੱਗੋਂ ਵਿਭਿੰਨ ਵਰਗ ਵਿਚ ਰੱਖਿਆ ਜਾਂਦਾ ਹੈ :

1. ਸੰਕੇਤਕੀ :

ਸੰਕੇਤਕੀ ਬਣਤਰ ਕਿਰਿਆ ਵਿਸ਼ੇਸ਼ਣੀ ਬਣਤਰ ਹੁੰਦੀ ਹੈ। ਜਿਵੇਂ :

ਸ਼ਹਿਰ ਵੱਲ ਨੂੰ

ਘਰ ਅੰਦਰ

ਕੁਰਸੀ ਵਿਚ

ਆਦਿ ਬਣਤਰ ਸੰਕੇਤਕੀ ਬਣਤਰਾਂ ਹਨ।

2. ਸੰਯੋਜਕੀ :

ਸੰਯੋਜਕੀ ਬਰਾਬਰ ਦੀਆਂ ਬਣਤਰ ਹੁੰਦੀਆਂ ਹਨ। ਇਕ ਸ਼ਬਦ ਦੂਜੇ ਸ਼ਬਦ ਦਾ ਪੂਰਕ ਬਣ ਕੇ ਵਿਚਰਦਾ ਹੈ। ਜਿਵੇਂ ਹੇਠ ਲਿਖੀਆਂ ਬਣਤਰਾਂ ਦੇਖੀਆਂ ਜਾ ਸਕਦੀਆਂ ਹਨ :

ਉਹ ਡਾਕਟਰ ਹੈ।

ਰਾਮ ਦਾ ਭਰਾ ਅਮੀਰ ਆਦਮੀ ਹੈ।

ਇਥੇ ਉਹ <--> ਡਾਕਟਰ ਅਤੇ ਭਰਾ<--> ਅਮੀਰ ਆਦਮੀ

ਸੰਯੋਜਕੀ ਬਣਤਰਾਂ ਹਨ।

3. ਵਿਧੇਈ:

ਵਾਕ ਦੇ ਦੋ ਹਿੱਸੇ ਹੁੰਦੇ ਹਨ। ਉਦੇਸ਼ ਅਤੇ ਵਿਧੇਅ। ਉਦੇਸ਼ ਅਤੇ ਵਿਧੇਅ ਦਾ ਸਬੰਧ ਬਾਹਰ ਕੇਂਦਰਤ ਵਾਲਾ ਹੁੰਦਾ ਹੈ। ਅਰਥਾਤ ਦੋਨਾਂ ਨੂੰ ਇਕ ਦੂਜੇ ਦੇ ਵਿਕਲਪ ਵਜੋਂ ਨਹੀਂ ਵਰਤਿਆ ਜਾ ਸਕਦਾ। ਇਸ ਪ੍ਰਕਾਰ ਜਿਥੇ ਅੰਦਰ ਕੇਂਦਰਤ ਬਣਤਰ ਦਾ ਬਹੁਤਾ ਸਬੰਧ ਨਾਂਵੀ ਵਾਕੰਸ਼ ਜਾਂ ਉਦੇਸ਼ ਨਾਲ ਹੁੰਦਾ ਹੈ ਉਥੇ ਬਾਹਰ ਕੇਂਦਰਤ ਦਾ ਸਬੰਧ ਕਿਰਿਆ ਵਾਕੰਸ਼ ਜਾਂ ਵਿਧੇਅ ਨਾਲ ਹੁੰਦਾ ਹੈ।

ਪ੍ਰਸ਼ਨ- ਪੰਜਾਬੀ ਕਾਰਕ-ਪ੍ਰਬੰਧ ਬਾਰੇ ਤੁਸੀਂ ਕੀ ਜਾਣਦੇ ਹੋ? ਉਦਾਹਰਨਾਂ ਸਹਿਤ ਚਰਚਾ ਕਰੋ।

ਉੱਤਰ- ਪੰਜਾਬ ਭਾਸ਼ਾ ਵਿਚ ਕਾਰਕੀ ਸਬੰਧਾਂ ਦੇ ਵਾਕਾਤਮਕ ਕਾਰਜ ਦੀ ਦ੍ਰਿਸ਼ਟੀ ਤੋਂ ਛੇ ਪ੍ਰਕਾਰ ਦੇ ਕਾਰਕਾਂ ਦੀ ਸਥਾਪਤੀ ਕੀਤੀ ਜਾਂਦੀ ਹੈ :

1. ਸਾਧਾਰਨ ਕਾਰਕ

2. ਸੰਬੰਧਕੀ ਕਾਰਕ

3. ਕਰਨ ਕਾਰਕ

4. ਅਪਾਦਾਨ ਕਾਰਕ

5. ਅਧਿਕਰਨ ਕਾਰਕ

6. ਸੰਬੋਧਨੀ ਕਾਰਕ

1. ਸਾਧਾਰਨ ਕਾਰਕ :

ਸਾਧਾਰਨ ਕਾਰਕ ਵਿਚ ਕਰਤਾ ਨਾਂਵ ਵਾਕੰਸ਼ ਅਤੇ ਕਿਰਿਆ ਵਾਕੰਸ਼ ਵਿਚ ਸਿੱਧੇ