ੲ. ਕਿਰਿਆ ਰੂਪਾਂ ਰਾਹੀਂ :

1) ਉਸ ਨੇ ਪਾਣੀ ਪੀਤਾ।

2) ਉਹ ਭੱਜ ਗਿਆ।

3) ਮੁੰਡਾ ਸਹਿਮ ਗਿਆ।

2. ਵਰਤਮਾਨ ਕਾਲ :

ਵਰਤਮਾਨ ਕਾਲ ਦੀ ਪਛਾਣ ਵੀ ਤਿੰਨ ਤਰ੍ਹਾਂ ਹੁੰਦੀ ਹੈ :

(ੳ) ਸਹਾਇਕ ਕਿਰਿਆ ਰਾਹੀਂ

(ਅ) ਕਿਰਿਆ ਪੂਰਕ ਰਾਹੀਂ

(ੲ) ਕਿਰਿਆਵੀ ਰੂਪਾਂ ਰਾਹੀਂ

ੳ. ਸਹਾਇਕ ਕਿਰਿਆ ਰਾਹੀਂ :

1) ਸ਼ਾਮ ਪੜ੍ਹਦਾ ਹੈ।

2) ਮੁੰਡਾ ਪਾਸ ਹੋ ਗਿਆ ਹੈ।

3) ਲੜਕੀਆਂ ਖੇਡਦੀਆਂ ਹਨ।

4) ਮੁੰਡੇ ਦੌੜਦੇ ਹਨ।

ਅ. ਕਿਰਿਆ ਪੂਰਕ ਰਾਹੀਂ :

1) ਅੱਜ ਸੋਮਵਾਰ ਹੈ।

2) ਉਹ ਲੁਧਿਆਣੇ ਦੇ ਹਨ।

3) ਲੜਕੀਆਂ ਖੂਬਸੂਰਤ ਹਨ।

4) ਮੁੰਡਾ ਨਾਲਾਇਕ ਹੈ।

ੲ. ਕਿਰਿਆਵੀ ਰੂਪਾਂ ਰਾਹੀਂ :

1) ਮਰਦਾ ਕੀ ਨਹੀਂ ਕਰਦਾ।

2) ਜੇ ਉਹ ਚਲਾ ਜਾਂਦਾ।

3) ਜੇ ਮੁੰਡਾ ਇਹ ਕੰਮ ਕਰ ਲੈਂਦਾ।

3. ਭਵਿੱਖ ਕਾਲ :

ਪੰਜਾਬੀ ਭਾਸ਼ਾ ਵਿਚ ਭਵਿੱਖ ਕਾਲ ਲਈ ਕੋਈ ਸਹਾਇਕ ਕਿਰਿਆ ਨਹੀਂ ਹੈ। ਇਸ ਲਈ ਭਵਿੱਖ ਕਾਲ ਦੀ ਸੂਚਨਾ ਕਿਰਿਆਵੀ ਪਿਛੇਤਰਾਂ ਰਾਹੀਂ ਹੁੰਦੀ ਹੈ । ਪੰਜਾਬੀ ਭਾਸ਼ਾ ਵਿਚ ਕਿਰਿਆ ਜਦੋਂ -ਏਗਾ, ਅੰਤਕ ਜਾਂ -ਊ ਅੰਤਕ ਹੋਵੇ ਤਾਂ ਇਹ ਭਵਿੱਖ ਕਾਲ ਦੀ ਸੂਚਨਾ ਦਿੰਦੀ ਹੈ।

1) ਉਹ ਕੰਮ ਕਰੇਗਾ।

2) ਮੁੰਡਾ ਕੱਲ੍ਹ ਸ਼ਹਿਰ ਜਾਊ।

3) ਮੁੰਡੇ ਦੌੜਨਗੇ।

4) ਕੁੜੀਆਂ ਗੀਤ ਗਾਉਣਗੀਆਂ।

ਇਸ ਪ੍ਰਕਾਰ ਪੰਜਾਬੀ ਭਾਸ਼ਾ ਦੇ ਕਾਲ ਪ੍ਰਬੰਧ ਨੂੰ ਤਿੰਨ ਕਾਲਾਂ ਵਿਚ ਵੰਡਿਆ ਗਿਆ ਹੈ। ਭੂਤ ਤੇ ਵਰਤਮਾਨ ਕਾਲ ਦੀ ਪਛਾਣ ਸਹਾਇਕ ਕਿਰਿਆ, ਕਿਰਿਆ ਪੂਰਕਾਂ ਤੇ ਕਿਰਿਆ ਰੂਪਾਂ ਰਾਹੀਂ ਹੁੰਦੀ ਹੈ ਜਦੋਂਕਿ ਭਵਿੱਖ ਦੀ ਪਛਾਣ ਕਿਰਿਆਵੀ ਪਿਛੇਤਰਾਂ ਰਾਹੀਂ ਹੁੰਦੀ ਹੈ।