ਮੈਂ ਇਸਦਾ ਖਰਚ ਨਹੀਂ ਚੁੱਕ ਸਕਦਾ” ਵਰਗੇ ਵਾਕ ਜੇਕਰ ਤੁਹਾਡੇ ਬੁੱਲਾਂ ਤੋਂ ਗੁਜਰਦੇ ਹਨ ਤਾਂ ਇਸ ਨੂੰ ਬਦਲਣ ਦੀ ਸ਼ਕਤੀ ਤੁਹਾਡੇ ਕੋਲ ਇਸੇ ਵੇਲੇ ਹੈ। ਇਸਨੂੰ ਬਦਲਕੇ ਇਸ ਤਰ੍ਹਾਂ ਕਰ ਦਿਓ- “ਮੈਂ ਇਸਦਾ ਖਰਚ ਚੁੱਕ ਸਕਦਾ ਹਾਂ! ਮੈਂ ਇਸ ਨੂੰ ਖਰੀਦ ਸਕਦਾ ਹਾਂ।“ ਇਨ੍ਹਾਂ ਵਾਕਾਂ ਨੂੰ ਬਾਰ-ਬਾਰ ਕਹੋ। ਤੋਤੇ ਵਾਂਗ ਦੁਹਰਾਓ। ਇਹ ਦ੍ਰਿੜ੍ਹ ਕਰ ਲਓ ਕਿ ਅਗਲੇ ਤੀਹਾਂ ਦਿਨਾਂ ਤਕ ਤੁਸੀਂ ਆਪਣੀ ਪਸੰਦ ਦੀ ਹਰ ਚੀਜ ਵੱਲ ਦੇਖਕੇ ਆਪਣੇ-ਆਪ ਨੂੰ ਕਹੋਗੇ "ਮੈਂ ਇਸਦਾ ਖਰਚ ਚੁੱਕ ਸਕਦਾ ਹਾਂ। ਮੈਂ ਇਸ ਨੂੰ ਖਰੀਦ ਸਕਦਾ ਹਾਂ।" ਜਦੋਂ ਤੁਸੀਂ ਆਪਣੇ ਸੁਫਨਿਆਂ ਦੀ ਕਾਰ ਨੂੰ ਕੋਲੋਂ ਦੀ ਗੁਜਰਦਿਆਂ ਦੇਖੋ ਤਾਂ ਕਹੋ, "ਮੈਂ ਇਸਦਾ ਖਰਚ ਚੁੱਕ ਸਕਦਾ ਹਾਂ।" ਜਦੋਂ ਤੁਸੀਂ ਆਪਣੀ ਪਸੰਦ ਦੇ ਕਪੜਿਆਂ ਨੂੰ ਦੇਖੋ ਜਾਂ ਬੇਹਤਰੀਨ ਛੁੱਟੀਆਂ ਬਾਰੇ ਸੋਚੋ, ਤਾਂ ਕਹੋ, "ਮੈਂ ਇਸਦਾ ਖਰਚ ਚੁੱਕ ਸਕਦਾ ਹਾਂ।" ਇੰਝ ਕਰਣ ਤੇ ਤੁਸੀਂ ਆਪਣੇ-ਆਪ ਨੂੰ ਬਦਲਣ ਲੱਗੋਗੇ ਤੇ ਪੈਸਿਆਂ ਬਾਰੇ ਬੇਹਤਰ ਮਹਿਸੂਸ ਕਰਣ ਲਗੋਗੇ। ਤੁਸੀਂ ਆਪਣੇ-ਆਪ ਨੂੰ ਵਿਸ਼ਵਾਸ ਦਿਲਾਉਣ ਲਗੋਗੇ ਕਿ ਤੁਸੀਂ ਇਨ੍ਹਾਂ ਚੀਜ਼ਾਂ ਦਾ ਖਰਚਾ ਚੁੱਕ ਸਕਦੇ ਹੋ। ਤੇ ਜਦੋਂ ਤੁਸੀਂ ਇਸ ਤਰ੍ਹਾਂ ਕਰ ਲਵੋਗੇ, ਤਾਂ ਤੁਹਾਡੀ ਜਿੰਦਗੀ ਦੀਆਂ ਤਸਵੀਰਾਂ ਬਦਲ ਜਾਣਗੀਆਂ।

 

ਲੀਸਾ ਨਿਕੋਲਸ

ਜੇਕਰ ਤੁਸੀਂ ਕਮੀ ਜਾਂ ਥੁੜ 'ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਜੇਕਰ ਤੁਸੀਂ ਉਨ੍ਹਾਂ ਚੀਜਾਂ ਤੇ ਧਿਆਨ ਕੇਂਦ੍ਰਿਤ ਕਰਦੇ ਹੋ, ਜਿਹੜੀਆਂ ਤੁਹਾਡੇ ਕੋਲ ਨਹੀਂ ਹਨ, ਤਾਂ ਤੁਹਾਨੂੰ ਕਮੀ ਹੀ ਮਿਲੇਗੀ। ਜਦੋਂ ਤੁਸੀਂ ਆਪਣੇ ਪਰਿਵਾਰ ਨਾਲ ਥੁੜ 'ਤੇ ਅਫਸੋਸ ਜਤਾਉਂਦੇ ਹੋ, ਜਦੋਂ ਤੁਸੀਂ ਆਪਣੇ ਦੋਸਤਾਂ ਨਾਲ ਉਨ੍ਹਾਂ ਬਾਰੇ ਗੱਲਾਂ ਕਰਦੇ ਹੋ, ਜਦੋਂ ਤੁਸੀਂ ਆਪਣੇ ਬੱਚਿਆਂ ਨੂੰ ਦੱਸਦੇ ਹੋ ਕਿ ਤੁਹਾਡੇ ਕੋਲ ਬਥੇਰੇ ਪੈਸੇ ਨਹੀਂ ਹਨ - "ਸਾਡੇ ਕੋਲ ਇਸ ਲਈ ਕਾਫੀ ਪੈਸੇ ਨਹੀਂ ਹਨ, ਅਸੀਂ ਇਸ ਦਾ ਖਰਚ ਨਹੀਂ ਚੁੱਕ ਸਕਦੇ" - ਤਾਂ ਤੁਸੀਂ ਕਦੇ ਇਸ ਦਾ ਖਰਚ ਨਹੀਂ ਚੁੱਕ ਪਾਵੋਗੇ, ਕਿਉਂਕਿ ਤੁਸੀਂ ਕਮੀਆਂ ਜਾਂ ਥੁੜਾਂ ਨੂੰ ਜਿਆਦਾ ਆਕਰਸ਼ਿਤ ਕਰੋਗੇ। ਜੇਕਰ ਤੁਸੀਂ ਬਹੁਤਾਤ ਚਾਹੁੰਦੇ ਹੋ, ਜੇਕਰ ਤੁਸੀਂ ਸਮਰਿਧੀ ਚਾਹੁੰਦੇ ਹੋ, ਤਾਂ ਫਿਰ ਬਹੁਤਾਤ 'ਤੇ, ਸਮਰਿੱਧੀ 'ਤੇ ਧਿਆਨ ਕੇਂਦ੍ਰਿਤ ਕਰੋ।

"ਆਤਮਿਕ ਖਜਾਨਾ, ਜਿਸ ਨਾਲ ਸਾਰੀ ਦਿਖਣ ਵਾਲੀ ਦੌਲਤ ਮਿਲਦੀ ਹੈ, ਕਦੇ