ਰੂਹਾਂ ਦੂਰ ਨਈਂ ਹੁੰਦੀਆਂ

ਇਹ ਕਿੱਥੇ ਲਿਖਿਆ ਭਲਾਂ ਕਿ ਕਿਸੇ ਨਾਲ ਨਜ਼ਰਾਂ ਮਿਲਾ ਲੈਣ ਜਾਂ ਓਹਨੂੰ ਛੂਹ ਲੈਣ ਨਾਲ ਹੀ ਮੁਲਾਕਾਤ ਮੁਕੰਮਲ ਹੁੰਦੀ ਏ ? ਕਿਸੇ ਨੂੰ ਮਹਿਸੂਸ ਕਰਨਾ ਵੀ ਤਾਂ ਮੁਲਾਕਾਤ ਹੀ ਏ ਨਾ ..? ਫੇਰ ਇਹ ਕਹਿਣਾ ਤਾਂ ਗਲਤ ਹੋਇਆ ਨਾ ?... ਕਿ ਆਪਾਂ ਇੱਕ ਦੂਜੇ ਨੂੰ ਕਦੇ ਨਹੀਂ ਮਿਲੇ ਜਾਂ ਆਪਾਂ ਇੱਕ ਦੂਜੇ ਤੋਂ ਦੂਰ ਆਂ। ਆਪਾਂ ਤਾਂ ਹਰ ਰੋਜ਼ ਮਿਲਦੇ ਆਂ ਦਿਨੇ ਖਿਆਲਾਂ ਵਿੱਚ ਤੇ ਰਾਤੀਂ ਖੁਆਬਾਂ ਵਿੱਚ । ਦਿਲ ਤੋਂ ਜੁੜਿਆਂ ਦੀਆਂ ਰੂਹਾਂ ਕਦੇ ਦੂਰ ਨਹੀਂ ਹੁੰਦੀਆਂ ਤੇ ਪਿੰਡਿਆਂ ਦੀ ਦੂਰੀ ਮੁਹੱਬਤ ਵਿੱਚ ਮਾਇਨੇ ਨਹੀਂ ਰੱਖਦੀ!

ਆਪਣੀਆਂ ਗੱਲਾਂ

ਨਿੱਤ ਮਿਲ ਜਾਇਆ ਕਰ ਖੁਆਬ ਬਹਾਨੇ

ਆਜਾ ਵੇ ਦੋ ਗੱਲਾਂ ਕਰੀਏ ਕਿਤਾਬ ਬਹਾਨੇ

ਜੀਅ ਕਰਦੈ

ਜਿਹਨੂੰ ਪੜਕੇ ਆਪ ਮੁਹਾਰੇ ਹੱਸੇਂ ਤੂੰ

ਕੁਝ ਐਸਾ ਲਿਖਣ ਨੂੰ ਜੀਅ ਕਰਦੈ,

ਤੂੰ ਸਾਹਾਂ ਤੋਂ ਜ਼ਰੂਰੀ ਏਂ ਸੱਜਣਾਂ

ਤੇਰੀ ਖਾਤਿਰ

ਮਰ ਮਿਟਣ ਨੂੰ ਜੀਅ ਕਰਦੇ ..!!

ਇੱਕੋ ਮਿੱਕੇ

ਤੂੰ ਤੇ ਮੈਂ ਇੱਕੋ ਮਿੱਕੇ ਵੇ ਮਾਹੀਆ

ਤੇਰੇ ਨਾਲ ਪੁਗਾਉਣੇ ਆ ਚਾਅ

ਮੈਂ ਨਿੱਕੇ ਨਿੱਕੇ ਵੇ ਮਾਹੀਆ

ਪੂਰੇ ਹੱਕ ਨਾਲ ਬਾਂਹ ਫੜ ਕੇ ਲੈ

ਚੱਲੀਂ ਤੂੰ ਮਰਜੀ ਜਿੱਥੇ ਵੇ ਮਾਹੀਆ

ਸਾਨੂੰ ਕਰਮਾਂ ਦੇ ਨਾਲ ਤੂੰ ਮਿਲਿਆ

ਤੇਰੇ ਵਰਗੇ ਸੱਜਣ ਅੱਜ ਕੱਲ

ਲੱਭਦੇ ਕਿੱਥੇ ਵੇ ਮਾਹੀਆ..!!