45
ਮੇਰਾ ਮਰਨ ਤੇ ਜੀਣ ਪੰਜਾਬੀ।
ਮੇਰਾ ਧਰਮ ਤੇ ਦੀਨ ਪੰਜਾਬੀ।
ਜੰਨਤ ਨਾਲੋਂ ਸੋਹਣੀ ਮੈਨੂੰ,
ਜਿੱਥੋਂ ਤੀਕ ਜ਼ਮੀਨ ਪੰਜਾਬੀ।
ਆਪਣੀ ਬੋਲੀ ਭੁਲਦਾ ਨਈਂ,
ਤੇਰੇ ਵੀ ਅਫਰੀਨ ਪੰਜਾਬੀ।
ਮਾਂ-ਬੋਲੀ ਦੇ ਸੇਵਕ ਜਿਹੜੇ,
ਜਦ ਤੱਕ ਦੁਨੀਆ ਜੀਣ ਪੰਜਾਬੀ।
ਜੰਮਦੇ ਰਹਿਣੇ ਮੇਰੇ ਵਰਗੇ,
ਹੋਵੇ ਨਾ ਗ਼ਮਗੀਨ ਪੰਜਾਬੀ।
ਪੜ੍ਹਨ ਜਾਂ ਆਪਣਾ ‘ਵਾਰਸ', 'ਬੁੱਲ੍ਹਾ',
ਹੋਵਣ ਹੋਰ ਜ਼ਹੀਨ ਪੰਜਾਬੀ।
ਮੇਰੀਆਂ ਲਾਪ੍ਰਵਾਹੀਆਂ ਹੱਥੋਂ,
ਹੁੰਦੀ ਪਈ ਮਸਕੀਨ ਪੰਜਾਬੀ।
ਵਿੱਚ ਪੰਜਾਬੀ ਕਰ ਨਾ ਸ਼ਾਇਰੀ,
ਕਰਦੇ ਨੇ ਤਿਲਕੀਨ ਪੰਜਾਬੀ।
-0-
