ਕਵਿਤਾਵਾਂ
1. ਗੋਲੀ
ਗੋਲੀ ਅੰਨ੍ਹੀ, ਗੁੱਗੀ ਬੋਲੀ,
ਸੰਗੀਓ ਇਹਦਾ ਸੰਗ ਨਈਂ ਚੰਗਾ।
ਇਹਦਾ ਕੋਈ ਵੀ ਰੰਗ ਨਈਂ ਚੰਗਾ।
ਇਹਦਾ ਕੋਈ ਵੀ ਫਾਇਦਾ ਨਈਂ ਜੇ।
ਇਹਦਾ ਕੋਈ ਵੀ ਕਾਇਦਾ ਨਈਂ ਜੇ।
ਗੋਲੀ ਇਹਨਾਂ ਵੱਲੋਂ ਚੱਲੇ।
ਗੋਲੀ ਉਹਨਾਂ ਵੱਲੋਂ ਚੱਲੇ।
ਗੋਲੀ ਨਾਲ ਪੁਆੜਾ ਪੈਂਦਾ।
ਗੋਲੀ ਨਾਲ ਉਜਾੜਾ ਪੈਂਦਾ।
ਏਧਰ ਵੀ ਇਹ ਬੰਦਾ ਮਾਰੇ।
ਓਧਰ ਵੀ ਇਹ ਬੰਦਾ ਮਾਰੇ।
ਆਪਣੇ ਬੰਦੇ ਮਾਰਨ ਨਾਲੋਂ।
ਕਬਰਾਂ ਵਿੱਚ ਉਤਾਰਨ ਨਾਲੋਂ।
ਮੇਰੀ ਮੰਨੋ, ਮੇਰੇ ਚੰਨੋ।
ਇੱਕ ਦੂਜੇ ਦੇ ਸੀਨੇ, ਲੱਗੋ।
ਫੁੱਲਾਂ ਦੇ ਗੁਲਦਸਤੇ ਲੱਭੋ।
ਬੰਦੇ ਖਾਣੀ ਗੋਲੀ ਦੱਬੋ।
-0-
