7. ਨਈਂ ਮਨਜ਼ੂਰ
ਨਈਂ ਮਨਜ਼ੂਰ ਯਰਾਨਾ ਨਾਲ ਅਮਰੀਕਾ ਦੇ,
ਨਈਂ ਮਨਜ਼ੂਰ।
ਪਿਓ ਵੀ ਜੋੜੇ ਸ਼ਾਨਾ ਨਾਲ ਅਮਰੀਕਾ ਦੇ,
ਨਈਂ ਮਨਜ਼ੂਰ।
ਕਿਸਰਾਂ ਤੇਰੀ ਗੱਲ ਕਰਨ ਸੱਦਾਮ ਹੁਸੈਨ
ਕਿਸਰਾਂ ਤੇਰੇ ਨਾਲ ਕਰਨ ਸੱਦਾਮ ਹੁਸੈਨ
ਚੌਧਰ ਮੇਰੀ ਇਸ ਲਈ ਚੁੱਪ ਏ, ਇਹਨਾਂ ਦਾ
ਸਾਝਾਂ ਏ ਕਰਖਾਨਾ ਨਾਲ ਅਮਰੀਕਾ ਦੇ
ਨਈਂ ਮਨਜ਼ੂਰ।
ਆਪਣੀ ਅੱਧੀ ਨਾਲ ਗੁਜ਼ਾਰਾ ਕਰਲਾਂਗੇ
ਜਿਸਰਾਂ ਦੀ ਵੀ ਰੁੱਤ ਆਵੇਗੀ ਜਰਲਾਂਗੇ
ਆਪਣੇ ਦਿਲ ਦੇ ਨਾਲ ਤਹੱਈਆ ਕੀਤਾ ਏ
ਲੱਭੇ ਠਾਠ ਸ਼ਹਾਨਾ ਨਾਲ ਅਮਰੀਕਾ ਦੇ
ਨਈਂ ਮਨਜ਼ੂਰ।
ਬਣ ਨਈਂ ਸਕਦੀ ਸਾਡੀ ਚਿੱਟੇ ਹਾਥੀ ਨਾਲ
ਗੇਂਦਾਂ ਵਾਂਗੂੰ ਸਾਨੂੰ ਭਾਵੇਂ ਦਵੇ ਉਛਾਲ
ਮੇਰਾ ਦੁਸ਼ਮਣ ਪਹਿਲਾਂ ਜੋ ਵੀ ਰੱਖਦਾ ਏ,
ਭਾਵੇਂ ਯਾਰੀ ਆਨਾ ਨਾਲ ਅਮਰੀਕਾ ਦੇ
ਨਈਂ ਮਨਜ਼ੂਰ।
-0-
