ਕਿਧਰੇ ਤੇਰੀ ਰਾਧਾ ਲੁੱਟੀ।
ਕਿਧਰੇ ਤੇਰੇ ਜ਼ਾਲਮ ਲੋਕਾਂ
ਮਰੀਅਮ ਦੀ ਏ ਸੰਘੀ ਘੁੱਟੀ।
ਓਧਰ ਜ਼ਰ* ਨੂੰ ਪੂਜਣ ਵਾਲੇ
ਸੱਪਾਂ ਵਾਂਗੂੰ ਰੂਹ ਨੂੰ ਡੰਗਣ।
ਕਿਧਰੇ ਲੋਕ ਜਾਗੀਰਾਂ ਵਾਲੇ,
ਗਰਜ਼ਾਂ ਵਾਲੀ ਸੂਲੀ ਟੰਗਣ।
ਕਿਧਰੇ ਢਹਿਣ ਮਸੀਤਾਂ ਪਈਆਂ
ਟੁੱਟਣ ਗਿਰਜੇ ਮੰਦਰ ਕਿਧਰੇ
ਸੁੱਤੇ ਹੋਏ ਨੇ ਕਲਮਾਂ ਵਾਲੇ
ਜਾਗ ਰਹੇ ਨੇ ਬਲਮਾਂ ਵਾਲੇ
ਰੰਗ ਬਰੰਗੇ ਅਲਮਾਂ ਵਾਲੇ।
ਇਹਨਾਂ ਵਿੱਚ ਮੈਂ ਜੀ ਨਈਂ ਸਕਦਾ।
ਏਨੇ ਜ਼ਹਿਰ ਮੈਂ ਪੀ ਨਈਂ ਸਕਦਾ।
ਰੱਬਾ ਮੈਨੂੰ ਗੁੰਗਾ ਕਰ ਦੇ
ਰੱਬਾ ਮੈਨੂੰ ਅੰਨ੍ਹਾ ਕਰਦੇ
ਰੱਬਾ ਮੈਨੂੰ ਡੌਰਾ ਕਰਦੇ
(ਜ਼ਰ* = ਦੌਲਤ)
-0-
