34
ਕੋਈ ਵੀ ਲੈ ਕੇ ਆਉਂਦਾ ਨਈਂ ਜੇ ਅੰਗ ਨਵਾਂ।
ਰੰਗਾਂ ਦੇ ਵਿੱਚ ਰਲ ਕੇ ਬਣਦਾ ਰੰਗ ਨਵਾਂ।
ਨਵਾਂ ਗਵਾਂਢੀ ਆ ਕੇ ਮੈਨੂੰ ਦੱਸਦਾ ਏ,
ਵਿਹੜੇ ਦੇ ਵਿੱਚ ਡਿੱਗਣ ਵਾਲਾ ਸੰਗ* ਨਵਾਂ।
ਘਰ ਵਿੱਚ ਇੱਕ ਕਿਤਾਬ ਪਈ ਏ ਸਦੀਆਂ ਤੋਂ,
ਜਦ ਵੀ ਖੋਲ੍ਹਾਂ ਉਹਦਾ ਲੱਗੇ ਰੰਗ ਨਵਾਂ।
ਤੂੰ ਤੇ ਆਪਣੇ ਘਰ ਵਿੱਚ ਸ਼ੀਂਹ ਨੂੰ ਬੱਧਾ ਏ,
ਬਿੱਲੀ ਦਾ ਵੀ ਕਰਦਾ ਬੱਚਾ ਤੰਗ ਨਵਾਂ।
ਧੁੱਪਾਂ ਵੜੀਆਂ, ਛਾਵਾਂ ਵਿੱਚ ਨੇ ਹੋਇਆ ਕੀ,
ਫੁੱਲਾਂ ਦਾ ਤੇ ਕੰਡਿਆਂ ਦਾ ਨਈਂ ਸੰਗ ਨਵਾਂ।
ਬਾਲ ਨੇ ਸੁੱਤੇ ਭੁੱਖਣ-ਭਾਣੇ, ਝੋਰਾ ਕੀ,
ਮੈਨੂੰ ਇਹ ਨਈਂ ਵੱਜਾ 'ਬਾਬਾ' ਡੰਗ ਨਵਾਂ।
(ਸੰਗ* = ਪੱਥਰ)
-0-
