30
ਜਿਹੜੀ ਦੁਨੀਆਂ ਜ਼ਰ* ਦੀ ਪੂਜਾ ਕਰਦੀ ਏ।
ਤਿੜਕੇ ਵਿੱਚ ਘੜੇ ਦੇ ਪਾਣੀ ਭਰਦੀ ਏ।
ਮੁੱਲਾਂ ਜਿਹੜਾ ਨਕਸ਼ਾ ਖਿਚਿਆ ਜੰਨਤ ਦਾ,
ਇਹ ਤਸਵੀਰ ਤੇ ਮੇਰੇ ਸੇਠ ਦੇ ਘਰ ਦੀ ਏ।
ਲੱਭਾਂ ਕਿੰਝ ਸਹਾਰੇ ਮੈਨੂੰ ਖਬਰਾਂ ਨੇ,
ਕਾਗਜ਼ ਵਾਲੀ ਬੇੜੀ ਕਿਚਰਕੁ ਤਰਦੀ ਹੈ।
ਮੇਰੇ ਸ਼ਿਅਰਾਂ ਵਿੱਚ ਹੱਯਾਤੀ ਲੋਕਾਂ ਦੀ,
ਮੇਰੀ ਸ਼ਾਇਰੀ ਮਸਲੇ ਵੀ ਹੱਲ ਕਰਦੀ ਏ।
ਜਦ ਵੀ ਵਾਲ ਸੁਕਾਉਂਦੀ ਫਿਰ ਕੇ ਕੋਠੇ ਤੇ,
ਕਿਧਰੇ ਧੁੱਪਾਂ ਕਿਧਰੇ ਛਾਵਾਂ ਕਰਦੀ ਏ।
ਝੂਠੀ ਦੁਨੀਆਂ ਕਿਹੜੇ ਪਾਸੇ ‘ਬਾਬਾ' ਜੀ,
ਮੇਰੇ ਅੱਖਰਾਂ ਕੋਲੋਂ ਜਿਹੜੀ ਡਰਦੀ ਏ।
(ਜ਼ਰ* = ਧਨ)
-0-
