31

ਬੋਕਾ, ਲੱਜ ਨਾ ਭੌਣੀ, ਰੱਬਾ ਕਰੀਏ ਕੀ?

ਅੱਗ ਵੀ ਅਸਾਂ ਬੁਝਾਉਣੀ ਰੱਬਾ ਕਰੀਏ ਕੀ?

 

ਡੰਡੇ ਨਾਲ ਕਸੀਦਾ ਪਏ ਲਿਖਵਾਉਂਦੇ ਨੇ,

ਪੈ ਗਈ ਰੀਤ ਪੁਗਾਉਣੀ, ਰੱਬਾ ਕਰੀਏ ਕੀ?

 

ਢੱਗਿਆਂ ਨਾਲੋਂ ਬਹੁਤੀ ਕਰਕੇ ਕਾਰ ਮੁੜਾਂ,

ਦਾਣੇ ਹਾੜੀ ਸਾਉਣੀ, ਰੱਬਾ ਕਰੀਏ ਕੀ?

 

ਜਦ ਦੇ ਜੰਮੇ, ਵਿਹੜੇ ਵਿੱਚੋਂ ਦੁੱਖਾਂ ਦੀ,

ਮੁੱਕੀ ਨਈਓਂ ਛਾਉਣੀ, ਰੱਬਾ ਕਰੀਏ ਕੀ?

 

ਪੜ੍ਹ ਪੜ੍ਹ ਓਬੜ ਉਮਰ ਗੁਜ਼ਾਰੀ ਅੱਜ ਅਸਾਂ,

ਕਹਿੰਦੇ ਹੀਰ ਸੁਣਾਉਣੀ ਰੱਬਾ ਕਰੀਏ ਕੀ?

 

ਤਪਦਾ ਸੂਰਜ ਠੰਢਾ ਕਰ ਕੇ ਮੁੜਿਆ ਵਾਂ,

ਫਿਰ ਵੀ ਰੋਟੀ ਪੌਣੀ, ਰੱਬਾ ਕਰੀਏ ਕੀ?

 

ਬਘਿਆੜਾਂ ਦੀ ਜੂਹ ਦੇ ਵੱਲੇ ਚੱਲੇ ਕਿਓਂ,

ਹਿਰਨੀ ਇੱਕ ਬਚਾਉਣੀ, ਰੱਬਾ ਕਰੀਏ ਕੀ?

-0-