36
ਕਿਸਰਾਂ ਪਿਆਰ ਨਾ ਕਰੀਏ ਆਪਣੇ ਹਾਣੀ ਨਾਲ।
ਅੱਗ ਹਮੇਸ਼ਾ ਬੁਝਦੀ ਵੇਖੀ ਪਾਣੀ ਨਾਲ।
ਜੱਫੀ ਉਦੋਂ ਖੁੱਲ੍ਹਦੀ ਇਹਨਾ ਪਲਕਾਂ ਦੀ,
ਚੂੜਾ ਤੇਰਾ ਛਣਕੇ ਜਦੋਂ ਮਧਾਣੀ ਨਾਲ।
ਕੋਈ ਤੇ ਆਖੇ ਖ਼ੁਦਗਰਜ਼ਾਂ ਦੇ ਟੋਲੇ ਨੂੰ,
ਭੈੜੇ ਵੇਲੇ ਮੈਂ ਵੀ ਸਾਂ ਚੁਧਰਾਣੀ ਨਾਲ।
ਉਹਨਾਂ ਉੱਤੇ ਹਾਲੀ ਵੀ ਹੈ ਸ਼ੱਕ ਜਿਹਾ,
ਗੰਢੇ ਗਏ ਨੇ ਜਿਹੜੇ ਧਾਗੇ, ਤਾਣੀ ਨਾਲ।
ਜਾਨਣ ਵਾਲੇ ਜਾਣ ਗਏ ਨੇ ਵਾਰਸ ਸ਼ਾਹ,
ਸਿੱਟਾ ਜਿਹੜਾ ਕੱਢਿਆ ਹੀਰ-ਕਹਾਣੀ ਨਾਲ।
ਵਿੱਚ ਕਿਤਾਬਾਂ ਇੱਕ ਨਜ਼ੀਰ ਵੀ ਮਿਲਣੀ ਨਈਂ,
ਰਾਖੇ ਜਿਹੜੀ ਕੀਤੀ ਓਸ ਨਿਮਾਣੀ ਨਾਲ।
ਬੰਦੇ ਉਹਦੇ ਰਾਜ਼ੀ ਕਰਨੇ ਮੇਰਾ ਸ਼ੌਕ,
ਨਾਹਤਾਂ ਸ਼ਬਦਾਂ ਭਾਵੇਂ ਹੋਵਣ ਬਾਣੀ ਨਾਲ।
-0-
