37
ਅੱਖਾਂ ਉੱਤੇ ਐਨਕ ਚੜ੍ਹ ਕੇ ਬਹਿ ਗਈ ਏ।
ਇੰਝ ਲੱਗਦਾ ਏ ਬਾਕੀ ਥੋਹੜੀ ਰਹਿ ਗਈ ਏ।
ਮੱਥੇ ਉੱਤੇ ਵੱਟ ਵੀ, ਹੱਥੀਂ ਸੋਟੇ ਵੀ,
ਕਿਸਰਾਂ ਮੰਨਾਂ ਕੰਧ ਵਿਚਾਲੀ ਢਹਿ ਗਈ ਏ।
ਉੱਤਰ ਤੂੰ ਵੀ ਝਾਂਜਰ ਨੂੰ ਛਣਕਾਵਾਂ ਮੈਂ,
ਗੱਡੀ ਵਿੱਚੋਂ ਸਾਰੀ ਦੁਨੀਆਂ ਲਹਿ ਗਈ ਏ।
ਅੱਜ ਵੀ ਮੇਰੀ ਬੇਬੇ ਕਲਮ ਦਵਾਤ ਬਿਨਾਂ,
ਰੀਝਾਂ ਦੇ ਨਾਲ ਪੋਚੀ ਫੱਟੀ ਰਹਿ ਗਈ ਏ।
ਮੈਂ ਨਈਂ ਪਾਉਣਾ ਬਾਪੂ ਜੋੜਾ ਸ਼ਗਨਾਂ ਦਾ,
ਅੱਚਣ-ਚੇਤੀ ਇਹ ਦੀ ਮਰਨੀਂ ਕਹਿ ਗਈ ਏ।
ਕੋਈ ਤਾਰੀਖ ਵੀ ਦੱਸਦਾ ਨਹੀਓਂ ਵੀਰ ਲਈ,
ਜਿੰਨੇ ਫੱਟ ਜਿਗਰ ਦੇ 'ਜੈਨਬ' ਸਹਿ ਗਈ ਏ।
ਸ਼ਹਿਰ 'ਚ 'ਬਾਬਾ ਨਜਮੀਂ' ਕਿਸਰਾਂ ਬਚਿਆ ਏ,
ਲੋੜਾਂ ਅੱਗੇ ਸਾਰੀ ਦੁਨੀਆਂ ਢਹਿ ਗਈ ਏ।
-0-
