ਮਸਤ ਹੋਏ (ਅਨੇਕਾਂ) ਜੂਨਾਂ ਵਿਚ ਫਸਦੇ ਰਹੇ ਹਨ। ੩. ਇਸ ਮਾਇਆ ਨੇ ਇਹਨਾਂ ਜੀਵਾਂ ਨੂੰ ਤਿੰਨਾਂ ਗੁਣਾਂ ਵਿਚ ਫਸਾਕੇ ਆਪਣੇ ਅਧੀਨ ਕੀਤਾ ਹੋਇਆ ਹੈ। ੪. (ਇਸ ਮਾਇਆ ਨੇ) ਆਪਣਾ ਮੋਹ ਹਰ ਇਕ ਜੀਵ ਦੇ ਹਿਰਦੇ ਵਿਚ ਪਾਇਆ ਹੋਇਆ ਹੈ। ੫. ਹੇ ਮੇਰੇ ਸੱਜਣ ਜੀ ! ਇਸ ਮਾਇਆ ਦੇ ਮੋਹ ਦੀ ਨਵਿਰਤੀ ਦਾ ਕੁਛ ਉਪਾਅ ਦੱਸੋ। ੬. ਜਿਸ ਕਰਕੇ ਮੈਂ ਇਸ ਮਾਇਆ ਦੇ ਕਠਿਨ (ਸਾਗਰ ਤੋਂ) ਤਰ ਜਾਵਾਂ ? ੭. ਜਿਸ ਪੁਰਸ਼ ਨੂੰ ਪ੍ਰਭੂ ਆਪਣੀ ਕਿਰਪਾ ਕਰਕੇ ਸੰਤਾਂ ਦੀ ਸੰਗਤ ਵਿਚ ਮਿਲਾ ਦੇਵੇ। ੮. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ ਉਸ ਪੁਰਸ਼ ਦੇ ਨੇੜੇ ਮਾਇਆ ਨਹੀਂ ਆਉਂਦੀ (ਭਾਵ ਸਤਿਸੰਗੀ ਪੁਰਸ਼ ਮਾਇਆ ਦੇ ਮੋਹ ਤੋਂ ਬਚਿਆ ਰਹਿੰਦਾ ਹੈ) ॥੭॥

ਸਲੋਕੁ ॥

(੧) ਕਿਰਤ ਕਮਾਵਨ ਸੁਭ ਅਸੁਭ ਕੀਨੇ ਤਿਨਿ

ਪ੍ਰਭਿ ਆਪਿ॥ (੨) ਪਸੁ ਆਪਨ ਹਉ ਹਉ

ਕਰੈ ਨਾਨਕ ਬਿਨੁ ਹਰਿ ਕਹਾ ਕਮਾਤਿ ॥੧॥

ਅਰਥ- ੧. ਚੰਗੇ ਤੇ ਮੰਦੇ ਕਰਮ ਕਰਨ ਲਈ ਪ੍ਰਭੂ ਨੇ ਆਪ ਹੀ ਬਣਾਏ ਹਨ। ੨. ਇਹ ਪਸ਼ੂ (ਭਾਵ ਮੂਰਖ) ਜੀਵ ਆਪਣੀ ਮੈਂ ਮੈਂ ਕਰਦਾ ਹੈ। ਸਤਿਗੁਰੂ ਜੀ ਪੁਛਣਾ ਕਰਦੇ ਹਨ ਕਿ ਪ੍ਰਭੂ ਦੀ (ਮਰਜ਼ੀ ਤੋਂ) ਬਿਨਾ ਇਹ ਜੀਵ ਕੀ ਕਰ ਸਕਦਾ ਹੈ ? (ਭਾਵ ਪ੍ਰਭੂ ਦੀ ਇੱਛਾ ਤੋਂ ਬਿਨਾ ਇਹ ਜੀਵ ਕੋਈ ਕਰਮ ਨਹੀਂ ਕਰ ਸਕਦਾ) ॥੧॥

ਪਉੜੀ॥

(੧) ਏਕਹਿ ਆਪਿ ਕਰਾਵਨਹਾਰਾ॥ (੨)

ਆਪਹਿ ਪਾਪ ਪੁੰਨ ਬਿਸਥਾਰਾ ॥ (੩) ਇਆ