ਨਹੀਂ ਛੁਟਕਾਰਾ॥ (੫) ਸਾਸਿ ਸਾਸਿ ਹਮ

ਭੂਲਨਹਾਰੇ ॥ (੬) ਤੁਮ ਸਮਰਥ ਅਗਨਤ

ਅਪਾਰੇ॥ (੭) ਸਰਨਿ ਪਰੇ ਕੀ ਰਾਖੁ

ਦਇਆਲਾ ॥ (੮) ਨਾਨਕ ਤੁਮਰੇ ਬਾਲ

ਗੁਪਾਲਾ ॥੪੮॥

ਅਰਥ - ੧. ਸਸੇ ਦੁਆਰਾ ਉਪਦੇਸ਼ ਹੈ ਕਿ ਹੇ ਪ੍ਰਭੂ! ਅਸੀਂ ਹੁਣ ਹਾਰਕੇ ਆਪ ਦੀ ਸ਼ਰਨ ਪਏ ਹਾਂ। ੨. ਅਸੀਂ ਸ਼ਾਸਤ੍ਰ, ਸਿੰਮ੍ਰਿਤੀਆਂ ਤੇ ਵੇਦ ਪੜ੍ਹੇ ਹਨ। ੩. ਇਹਨਾਂ (ਸ਼ਾਸਤ੍ਰ, ਵੇਦ ਆਦਿ ਧਰਮ ਗ੍ਰੰਥਾਂ) ਨੂੰ ਸੋਧਦਿਆਂ ਸੋਧਦਿਆਂ ਭਾਵ ਪੜ੍ਹਦਿਆਂ ਪੜ੍ਹਦਿਆਂ ਇਹੋ ਵੀਚਾਰਿਆ ਹੈ ਕਿ ੪. ਹਰੀ ਦੇ ਸਿਮਰਨ ਤੋਂ ਬਿਨਾ ਛੁਟਕਾਰਾ ਨਹੀਂ ਹੋਵੇਗਾ। ੫. (ਹੇ ਪ੍ਰਭੂ !) ਅਸੀਂ ਸ੍ਵਾਸ ਸ੍ਵਾਸ ਭੁਲਣ ਵਾਲੇ ਹਾਂ । ੬. ਆਪ ਸਮਰੱਥ, ਗਿਣਤੀ ਤੋਂ ਰਹਿਤ ਤੇ ਪਾਰ ਤੋਂ ਰਹਿਤ ਹੋ। ੭. ਤੇ ੮. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ (ਹੇ ਪ੍ਰਭੂ !) ਅਸੀਂ ਅਨਜਾਣ ਬਾਲਕ ਹਾਂ। ਇਸ ਲਈ ਹੇ ਦਿਆਲੂ ਅਕਾਲ ਪੁਰਖ! ਆਪਣੀ ਸ਼ਰਨ ਪਿਆਂ ਦੀ ਲਾਜ ਨੂੰ ਰੱਖ ਲੈ ॥੪੮॥

ਸਲੋਕੁ ॥

(੧) ਖੁਦੀ ਮਿਟੀ ਤਬ ਸੁਖ ਭਏ ਮਨ ਤਨ ਭਏ

ਅਰੋਗ॥ (੨) ਨਾਨਕ ਦ੍ਰਿਸਟੀ ਆਇਆ

ਉਸਤਤਿ ਕਰਨੈ ਜੋਗੁ ॥੧॥

ਅਰਥ - ੧. ਜਦੋਂ ਖੁਦੀ (ਹੰਗਤਾ) ਨਾਸ ਹੋ ਗਈ ਤਾਂ ਮਨ ਤੇ ਤਨ ਦੋਵੇਂ ਅਰੋਗ ਹੋ ਗਏ ਭਾਵ ਮਨ ਤੇ ਤਨ ਵਿਚ ਸ਼ਾਂਤੀ ਆ ਵਸੀ, ੨. ਸਤਿਗੁਰੂ ਜੀ ਕਥਨ ਕਰਦੇ ਹਨ ਕਿ ਫਿਰ ਉਸਤਤੀ ਕਰਨ ਯੋਗ