ਲੱਖਾਂ ਨਾਲੋਂ ਚੰਗੇ ਨੇ ਕੁਝ ਆਨੇ ਪਿਆਰ ਦੇ।
ਜ਼ਿੰਦਗੀ ਚੰਗੀ ਲੰਘਜੂਗੀ ਬਹਾਨੇ ਪਿਆਰ ਦੇ।
ਸਾਰੀ ਉਮਰ ਸਿਰ ਤੋਂ ਇਹ ਲਹਿੰਦੇ ਨਹੀਂ,
ਇੱਕ ਵਾਰੀ ਜੇ ਚੜ੍ਹ ਜਾਵਣ ਜੁਰਮਾਨੇ ਪਿਆਰ ਦੇ।
ਵੱਡੇ-ਵੱਡੇ ਘਰ ਬਣਾਉਣੇ ਸਿੱਖ ਲਏ ਨੇ,
ਭੁੱਲ ਗਏ ਹਾਂ ਬਣਾਉਣੇ ਕੁਝ ਖਾਨੇ ਪਿਆਰ ਦੇ।
ਹਰ ਇੱਕ ਬੰਦੇ ਨੂੰ ਨੇ ਪੂਰੇ ਹੱਕ ਪਿਆਰ ਦੇ,
ਕੁਝ ਲੋਕੀ ਕਿੱਦਾਂ ਬਣਗੇ ਨਾਨੇ ਪਿਆਰ ਦੇ।
ਭਾਂਵੇ ਧਾਗਿਆਂ ਦੀ ਮੁਹਤਾਜ ਨਹੀਂ ਮੁਹੱਬਤ,
ਪਰ ਭੈਣਾਂ ਕੋਲ ਹੁੰਦੇ ਨੇ ਗਾਨੇ ਪਿਆਰ ਦੇ।
ਯਾਰ ਮੁਰੀਦਾ ਤੈਨੂੰ ਲੋਕੀਂ ਚਾਹੁੰਦੇ ਨੇ,
ਕਰਦਾ ਰਹਿ ਏਦਾਂ ਹੀ ਸ਼ੁਕਰਾਨੇ ਪਿਆਰ ਦੇ।
