ਉਹਨੂੰ ਤੇ ਹੁਣ ਵਾਹ ਕੋਈ ਨਹੀਂ।
ਮੈਨੂੰ ਉਸ ਬਿਨ ਸਾਹ ਕੋਈ ਨਹੀਂ।
ਮੈਂ ਤਾਂ ਉਂਝ ਕਹਿ ਤਾਂ ਚੱਲਿਆ,
ਕਹਿੰਦੇ ਚੰਗਾ ਜਾਹ ਕੋਈ ਨਹੀਂ।
ਹਰ ਪਾਸੇ ਵੱਲ ਜਾ ਸਕਦਾ ਹਾਂ,
ਤੇਰੇ ਵੱਲ ਦਾ ਰਾਹ ਕੋਈ ਨਹੀਂ।
ਜਾਂਦੀ ਵਾਰੀ ਘੁੱਟ ਕੇ ਮਿਲ ਲਾ,
ਜ਼ਿੰਦ ਦਾ ਯਾਰ ਵਸਾਹ ਕੋਈ ਨਹੀਂ।
ਮੇਰੀ ਗੱਲ ਤੇਰੇ ‘ਤੇ ਮੁੱਕੀ,
ਜਿਸਨੂੰ ਚਾਹੁੰਨਾ ਚਾਹ ਕੋਈ ਨਹੀਂ।
ਜੇਬ ਤੇ ਜਿਸਮ ਤਾਂ ਚੂੰਡਣ ਬਹੁਤੇ,
ਦਿਲ ਦੀ ਪਾਉਂਦਾ ਥਾਹ ਕੋਈ ਨਹੀਂ।
ਯਾਰ ਮੁਰੀਦਾ ਸਰ ਗਿਆ ਉਹਦਾ,
ਚੰਗਾ ਫਿਰ ਕੋਈ ਨਾ, ਕੋਈ ਨਹੀਂ।
ਐਵੇਂ ਵਿਕਣ ਨੂੰ ਫਿਰਦਾ ਝੱਲਿਆ,
ਤੇਰਾ ਏਥੇ ਭਾਅ ਕੋਈ ਨਹੀਂ।
