ਗੀਤ - ਤੂੰ ਜਦ ਮੇਰੇ ਹੋਣਾ ਨੇੜੇ

ਬੁੱਲਾਂ ਚੋਂ ਬੋਲ ਨਾ ਨਿੱਕਲੂ, ਤੂੰ ਜਦ ਮੇਰੇ ਹੋਣਾ ਨੇੜੇ

ਅੱਖਾਂ ਚੋ ਪੜ੍ਹ ਲਈ ਸੱਜਣਾ, ਆਪੇ ਅੱਖਰਾਂ ਦੇ ਚਿਹਰੇ

 

ਰੰਗਾਂ ਦੀ ਗੱਲ ਕੀ ਕਰ ਲਾਂ, ਸਭ ਰੰਗ ਨੇ ਤੇਰੇ ਵਰਗੇ

ਤੇਰੇ ਇਹ ਨੈਣ ਜੋ ਗਹਿਰੇ, ਮੇਰੇ ਅੰਦਰ ਘਰ ਕਰਗੇ

ਆਪੇ ਤੂੰ ਸਾਂਭ ਲਈ ਹੁਣ ਤਾਂ, ਮੈਂ ਨਾ ਹੁਣ ਵੱਸ ਵਿੱਚ ਮੇਰੇ

ਬੁੱਲਾਂ ਚੋਂ ਬੋਲ ਨਾ ਨਿੱਕਲੂ, ਤੂੰ ਜਦ ਮੇਰੇ ਹੋਣਾ ਨੇੜੇ

ਅੱਖਾਂ ਚੋ ਪੜ੍ਹ ਲਈ ਸੱਜਣਾ, ਆਪੇ ਅੱਖਰਾਂ ਦੇ ਚਿਹਰੇ

 

ਉਹ ਰੁੱਤ ਦੱਸ ਕਿਹੜੀ ਰੁੱਤ ਵੇ, ਆਪਾਂ ਜੋ ਅੱਜ ਹੈ ਮਾਣੀ

ਦੁਨੀਆਂ ਤੋਂ ਅੱਖ ਬਚਾ ਕੇ, ਲੰਘ ਆਏ ਹਾਂ ਚਾਨਣ ਥਾਣੀ

ਮੈਂ ਤਾਂ ਬੱਸ ਤੇਰੇ ਦੁਆਲੇ, ਦੁਨੀਆਂ ਦੇ ਹੋਰ ਨੇ ਗੇੜੇ

ਬੁੱਲਾਂ ਚੋਂ ਬੋਲ ਨਾ ਨਿੱਕਲੂ, ਤੂੰ ਜਦ ਮੇਰੇ ਹੋਣਾ ਨੇੜੇ

ਅੱਖਾਂ ਚੋ ਪੜ੍ਹ ਲਈ ਸੱਜਣਾ, ਆਪੇ ਅੱਖਰਾਂ ਦੇ ਚਿਹਰੇ

 

ਰੱਬ ਦਾ ਮੈਂ ਕਰਾਂ ਸ਼ੁਕਰਾਨਾ ਤੈਨੂੰ ਮੇਰੀ ਝੋਲੀ ਪਾਇਆ

ਮੇਰੇ ਕੋਲ ਆਪੇ ਚੱਲ ਕੇ ਰੂਹ ਦਾ ਮੇਰਾ ਹਾਣੀ ਆਇਆ

ਖਿੜ ਗਿਆ ਚਾਰ-ਚੁਫ਼ੇਰਾ, ਖੁਸ਼ੀਆਂ ਨਾਲ ਆਗੇ ਖੇੜੇ

ਬੁੱਲਾਂ ਚੋਂ ਬੋਲ ਨਾ ਨਿੱਕਲੂ, ਤੂੰ ਜਦ ਮੇਰੇ ਹੋਣਾ ਨੇੜੇ

ਅੱਖਾਂ ਚੋ ਪੜ੍ਹ ਲਈ ਸੱਜਣਾ, ਆਪੇ ਅੱਖਰਾਂ ਦੇ ਚਿਹਰੇ