ਤੂੰ ਮੇਰੇ ਦਿਲ 'ਤੇ

ਰਾਜ ਕੀਤਾ

ਤੇ

ਮੈਂ ਤੇਰੇ ਸਿਰ 'ਤੇ ਦੁਨੀਆਂ

ਮਾਣੀ ਹੈ।

 

 

 

ਮੁਆਫ਼ੀ

ਮੈਨੂੰ ਵਾਪਿਸ ਪਰਤਣਾ ਪੈ ਰਿਹਾ

ਹੁਣ ਮੈਨੂੰ ਮੇਰੀ ਲੋੜ ਹੈ।

 

ਚੱਲ ਆ

ਮੇਰੀਆਂ ਅੱਖਾਂ 'ਚ

ਅੱਥਰੂ ਪਾਉਣ ਵਾਲੀ

ਦਵਾਈ ਪਾ

 

ਮੈਂ ਰੋਂਦਾ ਲੱਗਣਾ

ਚਾਹੁੰਦਾ ਹਾਂ

 

 

 

ਤੂੰ ਏਦਾਂ ਕਰੀਂ

ਖ਼ਾਬਾਂ 'ਚ ਰਹੀਂ

ਦੁਨੀਆਂਦਾਰੀ ਮੈਨੂੰ

ਰਾਸ ਨੀ ਆਈ

ਇਸ ਹਾਸੇ ਨੂੰ

ਓਥੋਂ ਤੱਕ ਲੈ ਕੇ ਜਾਣਾ

ਜਿੱਥੇ ਜਾ ਕੇ

ਜ਼ਿੰਦਗੀ ਦਮ ਤੋੜਦੀ ਹੈ।

 

 

 

ਬੱਸ ਥੋੜੀ ਕੁ ਉਡੀਕ ਹੋਰ

ਮੈਨੂੰ ਪਤਾ

ਹਾਸੇ ਮੈਨੂੰ ਜਲਦ ਹੀ

ਲੱਭ ਲੈਣਗੇ।

ਮੈਂ ਇਸ ਡਰ ਨਾਲ

ਹੱਸ-ਹੱਸ ਕੇ ਨਹੀਂ ਜਿਉਣਾ ਚਾਹੁੰਦਾ

ਕਿ ਮੈਂ ਮਰ ਜਾਣਾ ਹੈ।

 

 

 

ਮੈਨੂੰ ਉਹ ਚੀਜ਼ ਨਾ ਮਿਲੇ

ਜਿਹੜੀ ਮੈਂ ਭਾਲਦਾ ਹਾਂ

ਮੈਨੂੰ ਉਹ ਮਿਲੇ

ਜਿਸਦੇ ਵਿੱਚ ਮੈਂ ਗੁਆਚ ਜਾਵਾਂ।