ਰਾਜੇ ਬੁਧਪ੍ਰਕਾਸ਼ ਦਾ ਪੁਤ੍ਰ, ਜੋ ਨਾਹਨ (ਸਰਮੌਰ) ਦਾ ੩੩ ਵਾਂ ਰਾਜਾ ਸੀ. ਇਸ ਦਾ ਉਪਨਾਮ ਮਸ੍ਤਪ੍ਰਕਾਸ਼,¹ ਅਤੇ ਗੱਦੀ ਬੈਠਣ ਤੋਂ ਪਹਿਲਾ ਨਾਮ ਜੋਗਰਾਜ ਸੀ. ਮੇਦਿਨੀਪ੍ਰਕਾਸ਼ ਸੰਮਤ ੧੭੩੫ ਵਿੱਚ ਗੱਦੀ ਤੇ ਬੈਠਾ ਅਤੇ ਸੰਮਤ ੧੭੫੧ ਵਿੱਚ ਮੋਇਆ. ਇਹ ਸ਼੍ਰੀ ਗੁਰੂ ਗੋਬਿੰਦਸਿੰਘ ਸਾਹਿਬ ਨਾਲ ਪ੍ਰੇਮ ਰਖਦਾ ਸੀ. ਇਸ ਦਾ ਨਿਮੰਤ੍ਰਣ ਮੰਨਕੇ ਕਲਗੀਧਰ ੧੭. ਵੈਸਾਖ ਸੰਮਤ ੧੭੪੨ ਨੂੰ ਨਾਹਨ ਪਧਾਰੇ ਸਨ. ਗੁਰੂ ਸਾਹਿਬ ਨੇ ਮੇਦਿਨੀਪ੍ਰਕਾਸ਼ ਅਤੇ ਸ਼੍ਰੀਨਗਰ (ਗੜ੍ਹਵਾਲ) ਦੇ ਰਾਜੇ ਫਤੇਸ਼ਾਹ ਦਾ ਪਰਸਪਰ ਵੈਰ ਭਾਵ ਹਟਾਕੇ ਮਿਤ੍ਰਤਾ ਕਰਾਈ ਅਤੇ ਨਾਹਨ ਰਾਜ ਵਿੱਚ ਜਮਨਾ ਦੇ ਕਿਨਾਰੇ "ਪਾਂਵਟਾ" ਕਿਲਾ ਬਣਾਇਆ, ਜੋ ਨਾਹਨ ਤੋਂ ੨੬ ਮੀਲ ਹੈ.² ਮੋਦਿਨੀਪ੍ਰਕਾਸ਼ ਦੇ ਲਾਵਲਦ ਮਰਨ ਪੁਰ ਉਸ ਦਾ ਛੋਟਾ ਭਾਈ, (ਬੁਧਪ੍ਰਕਾਸ਼ ਦਾ ਛੋਟਾ ਬੇਟਾ) ਹਰੀਪ੍ਰਕਾਸ਼, ਸੰਮਤ ੧੭੫੧ ਵਿੱਚ ਨਾਹਨ ਦਾ ੩੪ਵਾਂ ਰਾਜਾ ਹੋਇਆ. ਵੰਸ਼ਾਵਲੀ ਇਉਂ ਹੈ:-:#ਮਾਂਧਾਤਾ ਪ੍ਰਕਾਸ਼#।#ਸੁਭਾਗਪ੍ਰਕਾਸ਼#।#ਬੁਧਪ੍ਰਕਾਸ਼ (ਉਰਫ਼ ਮਹੀਪ੍ਰਕਾਸ਼)#।#ਮੇਦਿਨੀਪ੍ਰਕਾਸ਼#"ਮੇਦਿਨੀਪ੍ਰਕਾਸ਼ ਕੋ ਸੁਨਾਇ ਨਿਜ ਬਾਸ ਕੋ ਸੁ ਹੋਇ ਜਲ ਪਾਸ ਕੋ ਤੁਰੰਗ ਕੋ ਟਿਕਾਇਕੈ." (ਗੁਪ੍ਰਸੂ) ਦੇਖੋ, ਪਾਂਵਟਾ ਅਤੇ ਭੰਗਾਣੀ। ੨. ਮੇਦਿਨੀ (ਪ੍ਰਿਥਿਵੀ) ਨੂੰ ਰੌਸ਼ਨ ਕਰਨ ਵਾਲਾ ਸੂਰਜ.