ਉਸ ਤੋਂ ਲਿਹਾਜ਼ ਦੀ ਆਸ ਨਾ ਰੱਖੋ, ਉਹ ਤੇ ਟਕੇ ਕੋਹ ਟੁਰਨ ਵਾਲਾ ਹੈ । ਲਏ ਬਿਨਾਂ ਉਸ ਗੱਲ ਭੀ ਨਹੀਂ ਕਰਨੀ।
ਜਿਸ ਜਿਸਨੂੰ ਉਹ ਇਕ ਵਾਰੀ ਟੱਕਰਿਆ ਹੈ, ਉਹ ਮੁੜ ਕੇ ਇਸ ਰਾਹੀਂ ਨਹੀਂ ਲੰਘਿਆ। ਉਸ ਦਾ ਬੁਸਿਆ ਮੁੜ ਕੇ ਪਾਣੀ ਨਹੀਂ ਮੰਗਦਾ।
ਉਹ ਬਹੁਤ ਭੁੱਖਾ ਹੋ ਗਿਆ ਏ । ਓੜਕ ਉਸ ਆਪਣੇ ਗੁਜ਼ਾਰੇ ਵਾਸਤੇ ਟੱਕਰ ਮਾਰਨੀ ਹੀ ਏ ਨਾ ।
ਅੱਜ ਤੇਰਾ ਚਿਹਰਾ ਟਹ ਟਹ ਕਰ ਰਿਹਾ ਹੈ; ਕੀ ਮੁਕੱਦਮਾ ਜਿੱਤਿਆ ਗਿਆ ਹੈ ਜਾਂ ਹੋਰ ਕੋਈ ਖੁਸ਼ੀ ਦੀ ਖ਼ਬਰ ਆਈ ਹੈ?
ਬਈ ਰਾਜੂ ! ਮੈਂ ਤਾਂ ਆਪਣੇ ਵੱਲੋਂ ਪੂਰਾ ਟਿੱਲ ਲਾਇਆ ਸੀ, ਪਰ ਕੰਮ ਨੇਪਰੇ ਨਾ ਚੜ੍ਹ ਸਕਿਆ।
ਰਾਜੂ ਨੂੰ ਕੋਈ ਕੰਮ ਆਖੋ ਤਾਂ ਉਹ ਟਕੇ ਵਰਗੇ ਜਵਾਬ ਦਿੰਦਾ ਹੈ।
ਜਦੋਂ ਮੈਨੂੰ ਭੁੱਖ ਲੱਗਦੀ ਹੈ ਤਾਂ ਮੈਂ ਖਾਣੇ ਤੇ ਟੁੱਟ ਪੈਂਦੀ ਹਾਂ।
ਮਨੀ, ਤੂੰ ਤਾਂ ਹਮੇਸ਼ਾ ਟਕੇ ਚਾਲ ਹੀ ਚੱਲਦਾ ਹੈਂ।
ਰਾਣੀ ਦੀ ਸਹੇਲੀ ਬਹੁਤ ਟਰ-ਟਰ ਕਰਦੀ ਹੈ।
ਭਾਰਤੀ ਫ਼ੌਜੀਆਂ ਨੇ ਦੁਸ਼ਮਣਾਂ ਨਾਲ ਚੰਗੀ ਟੱਕਰ ਲਈ।
ਟਹਿਲ ਨਾਲ ਹੀ ਇਨਸਾਨ ਮਹਿਲ ਹੋ ਸਕਦਾ ਹੈ।
ਹਰਪ੍ਰੀਤ ਨੌਕਰੀ ਲੱਭਣ ਲਈ ਟੱਕਰਾਂ ਮਾਰਦਾ ਫਿਰਦਾ ਹੈ।