ਕਾਸ਼ ! ਮੇਰੇ ਪਾਸ ਉਹ ਅੱਖਾਂ ਹੁੰਦੀਆਂ ਜਿਨ੍ਹਾਂ ਨਾਲ ਮੈਂ ਇਨ੍ਹਾਂ ਦੇਵੀਆਂ ਦੇ ਹਿਰਦਿਆਂ ਵਿੱਚ ਨਜ਼ਰ ਮਾਰ ਸਕਦਾ, ਇਨ੍ਹਾਂ ਦੇ ਲੁਕੇ ਗੁਣਾਂ ਦੀ ਕਿਤਾਬ ਨੂੰ ਪੜ੍ਹ ਸਕਦਾ ਤੇ ਵੇਖਦਾ ਜੁ ਇਨ੍ਹਾਂ ਵਿੱਚ ਕਿਹੜਾ ਵਿਸ਼ਾਲ ਹਿਰਦਾ ਹੈ, ਜਿਸ ਵਿੱਚ ਦੇਸ਼ ਭਗਤੀ ਦੀ ਚੰਗਿਆੜੀ ਮੱਘ ਰਹੀ ਹੈ।
ਜਿਉਂ ਜਿਉਂ ਸ਼ਾਹ ਵਡਿਆਈਆਂ ਕਰਦਾ ਜਾਵੇ ਜੱਟ ਸੁਣ ਸੁਣ ਕੇ ਚੌੜਾ ਹੁੰਦਾ ਜਾਵੇ ਤੇ ਤਿੜਦਾ ਜਾਵੇ।
ਜਦ ਪਿਉ ਈ ਚੌੜ ਚਾਨਣ ਹੋਵੇ ਤਾਂ ਧੀ ਨੇ ਤਾਂ ਹੋਣਾ ਹੀ ਹੋਇਆ। ਪਿਉ ਸਰਕਾਰ ਨਾਲ ਟੱਕਰਾਂ ਲੈਂਦਾ ਹੈ ਤੇ ਧੀ ਨੇ ਵੀ ਫਿਰ ਇਹੋ ਹੀ ਕੁਝ ਕਰਨਾ ਏ।
ਵਹੁਟੀ ਤਾਂ ਆ ਗਈ ਹੈ, ਪਰ ਕੋਈ ਸੁਖ ਬੁੱਢੀ ਨੂੰ ਨਹੀਂ ਹੋਇਆ। ਨੂੰਹ ਤੇ ਚੌਕੇ ਚੜ੍ਹਨ ਦਾ ਨਾਂ ਨਹੀਂ ਲੈਂਦੀ।
ਇਹ ਵੱਡਿਆਂ ਵੱਡਿਆਂ ਢਿੱਡਾਂ ਵਾਲੇ ਹੀ ਤੇ ਚੌਕੀ ਭੰਨਦੇ ਹਨ। ਅਸਾਂ ਤੁਸਾਂ ਕੀ ਕਰਨਾ ਹੈ ਦੋ ਪੈਸੇ ਮਸੂਲ ਬਚਾ ਕੇ।
ਜਿੰਨ੍ਹਾਂ ਜਿੰਨ੍ਹਾਂ ਪਿੰਡਾਂ ਦੇ ਲੋਕਾਂ ਨੇ ਫ਼ਸਾਦਾਂ ਵਿੱਚ ਵਿਸ਼ੇਸ਼ ਹਿੱਸਾ ਲਿਆ, ਉੱਥੇ ਪੁਲਸ ਦੀਆਂ ਚੌਕੀਆਂ ਪਾ ਦਿੱਤੀਆਂ ਗਈਆਂ। ਕੁਝ ਸਮੇਂ ਲਈ ਫਸਾਦ ਦਬ ਗਏ ਪਰ ਅੱਗ ਫਿਰ ਭੜਕ ਉੱਠੀ।
ਅਸੀਂ ਜਦੋਂ ਅੰਮ੍ਰਿਤਸਰ ਗਏ, ਮਹਾਰਾਜ ਦੇ ਹਜੂਰ ਚੌਕੀ ਜ਼ਰੂਰ ਕਰਾਂਗੇ।
ਨਰਮੇ ਦਾ ਭਾਅ ਘਟਨ ਨਾਲ ਉਨ੍ਹਾਂ ਦੇ ਤੇ ਚੌਕਾ ਪੈ ਜਾਣਾ ਹੈ।
ਚੰਗਾ ਭਲਾ ਸਾਹਿਬ ਗੱਲ ਮੰਨ ਗਿਆ ਸੀ ਉਸ ਨੇ ਆਪਣੀ ਬੇਵਕੂਫੀ ਨਾਲ ਚੌਕਾ ਫੇਰ ਦਿੱਤਾ।
ਨਹੀਂ ਜੀ ਤੁਸੀਂ ਚੱਲੋਂ, ਮੈਂ ਹਾਲੀ ਨਹੀਂ ਜਾ ਸਕਦੀ। ਮੈਂ ਤੇ ਚੌਕੇ ਭਾਂਡੇ ਤੋਂ ਹੀ ਵਿਹਲੀ ਨਹੀਂ ਹੋਈ। ਹੁਣ ਹੀ ਸਾਰੇ ਰੋਟੀ ਖਾ ਕੇ ਗਏ ਹਨ।
ਗੁਰਦੁਆਰੇ ਵਿੱਚ ਸਦਾ ਚੌਕੜੀ ਮਾਰ ਕੇ ਬੈਠਣਾ ਚਾਹੀਦਾ ਹੈ।
ਜਦੋਂ ਮੁਸੀਬਤ ਆਉਂਦੀ ਹੈ ਤਾਂ ਵੱਡਿਆਂ ਵੱਡਿਆਂ ਦੀ ਵੀ ਚੌਕੜੀ ਭੁੱਲ ਜਾਂਦੀ ਹੈ।