ਫੌਕਸਕੌਨ ਨੇ ਭਾਰਤ ਵਿੱਚ ਕੀਤਾ 1.5 ਬਿਲੀਅਨ ਡਾੱਲਰ ਦਾ ਨਿਵੇਸ਼

ਤਾਈਵਾਨੀ ਤਕਨੀਕੀ ਦਿੱਗਜ ਨੇ ਕਿਹਾ ਕਿ ਉਸਦੀ ਸਿੰਗਾਪੁਰ-ਅਧਾਰਤ ਸਹਾਇਕ ਕੰਪਨੀ ਨੇ ਆਪਣੀ ਭਾਰਤੀ ਇਕਾਈ ਵਿੱਚ 12.7 ਬਿਲੀਅਨ ਸ਼ੇਅਰ ਖਰੀਦੇ ਹਨ ਜਿਸਦੇ ਨਤੀਜੇ ਵਜੋਂ ਲਗਭਗ 1.5 ਬਿਲੀਅਨ ਡਾਲਰ ਦਾ ਨਿਵੇਸ਼ ਕੀਤਾ ਗਿਆ ਹੈ।

ਸਥਾਨਕ ਮੀਡੀਆ ਰਿਪੋਰਟਾਂ ਦੇ ਅਨੁਸਾਰ, ਯੂਜ਼ਾਨ(Yuzhan) ਟੈਕਨਾਲੋਜੀ ਇੰਡੀਆ ਵਜੋਂ ਜਾਣੀ ਜਾਂਦੀ ਭਾਰਤੀ ਇਕਾਈ, ਦੱਖਣੀ ਰਾਜ ਤਾਮਿਲਨਾਡੂ ਵਿੱਚ ਸਮਾਰਟਫੋਨ ਦੇ ਪਾਰਟਸ ਬਣਾਉਂਦੀ ਹੈ। ਸੋਮਵਾਰ ਨੂੰ ਤਾਈਵਾਨ ਸਟਾਕ ਐਕਸਚੇਂਜ ਵਿੱਚ ਇੱਕ ਫਾਈਲਿੰਗ ਵਿੱਚ ਨਿਵੇਸ਼ ਸੰਬੰਧੀ ਕੋਈ ਹੋਰ ਵੇਰਵੇ ਪੇਸ਼ ਨਹੀਂ ਕੀਤੇ ਗਏ।

ਭਾਰਤ ਸਰਕਾਰ ਨੇ ਘਰੇਲੂ ਨਿਰਮਾਣ(manufacturing) ਨੂੰ ਉਤਸ਼ਾਹਿਤ ਕਰਨ ਲਈ ਅਰਬਾਂ ਸਬਸਿਡੀਆਂ ਦੀ ਪੇਸ਼ਕਸ਼ ਕੀਤੀ ਹੈ। ਇਸਲਈ ਸਰਕਾਰ ਦੀਆਂ ਕੋਸ਼ਿਸ਼ਾਂ ਦੇ ਨਤੀਜੇ ਵਜੋਂ ਸਥਾਨਕ ਇਲੈਕਟ੍ਰਾਨਿਕਸ ਉਤਪਾਦਨ ਵਿੱਚ ਤੇਜ਼ੀ ਆਈ ਹੈ।

ਫੌਕਸਕੌਨ ਦਾ ਇਹ ਕਦਮ ਐਪਲ ਦੇ ਸੀਈਓ, ਟਿਮ ਕੁੱਕ ਦੇ ਕਹਿਣ ਤੋਂ ਕੁਝ ਹਫ਼ਤੇ ਬਾਅਦ ਆਇਆ ਹੈ ਜਦੋਂ ਉਨ੍ਹਾਂ ਨੂੰ ਉਮੀਦ ਸੀ ਕਿ ਸੰਯੁਕਤ ਰਾਜ ਵਿੱਚ ਵੇਚੇ ਜਾਣ ਵਾਲੇ ਜ਼ਿਆਦਾਤਰ ਆਈਫੋਨਾਂ ਦਾ ਭਾਰਤ ਵਿੱਚ ਨਿਰਮਾਣ ਹੋਵੇਗਾ।

ਭਾਰਤ ਵਿੱਚ ਨਿਰਮਾਣ ਸ਼ੁਰੂ ਕਰਨ ਦੇ ਐਪਲ ਦੇ ਫੈਸਲੇ ਤੇ ਟਰੰਪ ਨੇ ਗੁੱਸਾ ਵੀ ਜਾਹਿਰ ਕੀਤਾ ਸੀ। ਉਸਨੇ ਪਿਛਲੇ ਹਫ਼ਤੇ ਕੁੱਕ ਨੂੰ ਕਿਹਾ ਸੀ: "ਸਾਨੂੰ ਤੁਹਾਡੇ ਭਾਰਤ ਵਿੱਚ ਨਿਰਮਾਣ ਤੇ ਦਿਲਚਸਪੀ ਨਹੀਂ ਹੈ... ਅਸੀਂ ਚਾਹੁੰਦੇ ਹਾਂ ਕਿ ਤੁਸੀਂ ਇੱਥੇ ਹੀ ਨਿਰਮਾਣ ਕਰੋ।"

ਫੌਕਸਕੌਨ ਨੇ ਭਾਰਤ ਵਿੱਚ ਆਪਣੇ ਨਿਰਮਾਣ ਕਾਰਜਾਂ ਨੂੰ ਹੋਰ ਵਿਆਪਕ ਤੌਰ 'ਤੇ ਵਧਾਉਣ ਦੀ ਵੀ ਕੋਸ਼ਿਸ਼ ਕੀਤੀ ਹੈ।

ਪਿਛਲੇ ਹਫ਼ਤੇ, ਭਾਰਤ ਸਰਕਾਰ ਨੇ ਐਚਸੀਐਲ(HCL) ਸਮੂਹ ਨਾਲ ਸਾਂਝੇ ਉੱਦਮ ਦੇ ਹਿੱਸੇ ਵਜੋਂ ਉੱਤਰੀ ਭਾਰਤ ਵਿੱਚ ਇੱਕ ਸੈਮੀਕੰਡਕਟਰ ਪਲਾਂਟ ਬਣਾਉਣ ਲਈ ਤਾਈਵਾਨੀ ਫਰਮ ਨੂੰ ਪ੍ਰਵਾਨਗੀ ਦੇ ਦਿੱਤੀ ਹੈ।

ਇੱਕ ਸਰਕਾਰੀ ਪ੍ਰੈਸ ਰਿਲੀਜ਼ ਵਿੱਚ ਕਿਹਾ ਗਿਆ ਹੈ ਕਿ ਇਹ ਪ੍ਰੋਜੈਕਟ ਐਚਸੀਐਲ-ਫੌਕਸਕੌਨ ਦੇ ਸਾਂਝੇ ਉੱਦਮ ਤੋਂ 37 ਬਿਲੀਅਨ ਰੁਪਏ (ਲਗਭਗ $432 ਮਿਲੀਅਨ) ਦੇ ਨਿਵੇਸ਼ ਨੂੰ ਆਕਰਸ਼ਿਤ ਕਰੇਗਾ। ਜਦੋਂ ਇਹ ਪਲਾਂਟ ਤਿਆਰ ਹੋ ਜਾਂਦਾ ਹੈ, ਤਾਂ ਇੱਥੇ ਡਿਸਪਲੇਅ ਡਰਾਈਵਰ ਚਿਪਸ - ਹੋਰ ਡਿਵਾਈਸਾਂ ਦੇ ਨਾਲ-ਨਾਲ ਸਮਾਰਟਫੋਨ, ਲੈਪਟਾਪ ਅਤੇ ਆਟੋਮੋਬਾਈਲਾਂ ਲਈ ਵੀ ਚਿਪਸ ਤਿਆਰ ਹੋਣਗੀਆਂ।

ਪ੍ਰੈਸ ਰਿਲੀਜ਼ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਇਹ ਪਲਾਂਟ 20,000 ਸੈਮੀਕੰਡਕਟਰ ਚਿਪਸ ਪ੍ਰਤੀ ਮਹੀਨਾ ਬਣਾਉਣ ਲਈ ਤਿਆਰ ਕੀਤਾ ਗਿਆ ਹੈ, ਜਿਸਦੀ ਡਿਜ਼ਾਈਨ ਆਉਟਪੁੱਟ ਸਮਰੱਥਾ "36 ਮਿਲੀਅਨ ਯੂਨਿਟ ਪ੍ਰਤੀ ਮਹੀਨਾ" ਹੈ।

ਸਰਕਾਰ ਨੇ ਦੇਸ਼ ਵਿੱਚ ਚਿਪਸ ਬਣਾਉਣ ਲਈ ਤਿਆਰ ਕੰਪਨੀਆਂ ਲਈ ਖੁੱਲ੍ਹੇ ਦਿਲ ਨਾਲ ਵਿੱਤੀ ਸਹਾਇਤਾ ਦੀ ਪੇਸ਼ਕਸ਼ ਕੀਤੀ ਹੈ, ਕਿਉਂਕਿ ਇਹ ਆਪਣੀ ਸਪਲਾਈ ਨੂੰ ਸੁਰੱਖਿਅਤ ਕਰਨ ਅਤੇ ਰਾਸ਼ਟਰੀ ਸੁਰੱਖਿਆ ਚਿੰਤਾਵਾਂ ਨੂੰ ਦੂਰ ਕਰਨ ਦੀ ਕੋਸ਼ਿਸ਼ ਹੈ।