ਧੁੰਦ ਨੇ ਅੰਨ੍ਹੇ ਕਰ ਦਿੱਤਾ ਈ-ਗ਼ਜ਼ਲ
ਧੁੰਦ ਨੇ ਅੰਨ੍ਹੇ ਕਰ ਦਿੱਤਾ ਈ।
ਧੁੰਦਲਾ ਸਭ ਕੁਝ ਕਰ ਦਿੱਤਾ ਈ।
ਚਾਰੇ ਪਾਸੇ ਧੁੰਦ ਪਸਾਰਾ-
ਦਿਲਾਂ 'ਚ ਭਰ ਇੱਕ ਡਰ ਦਿੱਤਾ ਈ।
ਰੱਬਾ ਵੇ ਤੇਰਾ ਸੌ ਸ਼ੁਕਰਾਨਾ!
ਨਿੱਕਾ ਜਿਹਾ ਇੱਕ ਘਰ ਦਿੱਤਾ ਈ।
ਕਰਕੇ ਘਰੋਂ ਲਿਆਉਣਾ ਹੈ ਜੋ,
ਹੌਮ-ਵਰਕ ਸਾਨੂੰ ਸਰ ਦਿੱਤਾ ਈ।
ਟੀਟੂ ਪਾਇਆ ਚੀਕ-ਚਿਹਾੜਾ,
ਭੈਣ ਨੇ ਮੁੱਕਾ ਧਰ ਦਿੱਤਾ ਈ।
ਦੇਸ ਕੌਮ ਲਈ ਮਰਨ ਦਾ ਜ਼ਜਬਾ,
ਦਿਲਨਿਗ ਸਹੀਦਾਂ ਕਰ ਦਿੱਤਾ ਈ।
ਵਤਨ ਅਜਾਦ ਕਰਾਵਣ ਖਾਤਿਰ,
ਕਿੰਨਿਆਂ ਵੀਰਾਂ ਸਿਰ ਦਿੱਤਾ ਈ।
ਵਿੱਦਿਆ ਦਾ ਸਾਨੂੰ ਉਸ ਰੱਬ ਨੇ,
ਇੱਕ ਕਮੰਡਲ ਭਰ ਦਿੱਤਾ ਈ।
ਉਫ! ਇਸ ਧੂਏਂ ਧੁੰਦ ਗੁਬਾਰਾਂ,
ਜੀਣਾ ਦੁੱਭਰ ਕਰ ਦਿੱਤਾ ਈ।
ਲਿਖਦੇ ਹਾਂ ਕਵਿਤਾਵਾਂ ਹਰ ਦਿਨ,
ਸਰਸਵਤੀ ਨੇ ਵਰ ਦਿੱਤਾ ਈ।
ਵੱਡ-ਵਡੇਰਿਆਂ 'ਮਾਊਂ'ਕਹਿ ਕੇ,
ਵਿਰਸੇ ਵਿੱਚ ਸਾਨੂੰ ਡਰ ਦਿੱਤਾ ਈ।
ਅਨਪੜ੍ਹਤਾ ਨੂੰ ਦੂਰ ਕਰਨ ਲਈ,
ਪਾਠਸ਼ਾਲਾ ਦਾ ਦਰ ਦਿੱਤਾ ਈ।
