ਬਾਬਲਾ ਪੜ੍ਹਾ ਦੇ ਮੈਨੂੰ, ਇੱਕ ਵਾਰ ਰੱਜ ਕੇ,
ਗਹਿਣਆਂ ਤੋਂ ਬਿਨ ਮੈਂ, ਦਿਖਾਉ ਤੈਨੂੰ ਸੱਜ ਕੇ।
ਲੋਕੀਂ ਕਹਿੰਦੇ ਕੁੜੀ ਤਾਂ, ਕਲੰਕ ਹੁੰਦਾ ਕੁਲ ਤੇ,
ਸੀਨਾ ਤੇਰਾ ਕਰੂ ਚੌੜਾ, ਦੇਖੀ ਗੱਜ ਵੱਜ ਕੇ।
ਆਸਾ ਤੇ ਉਮੀਦਾਂ, ਅਰਮਾਨ ਕਰੂ ਪੂਰੇ ਤੇਰੇ,
ਧੰਮ ਮੇਰਾ ਬਣ, ਮੈਂ ਦਿਖਾਉਂ ਤੈਨੂੰ ਭੱਜ ਕੇ।
ਕੁੱਖ ਵਿੱਚ ਕਤਲ ਤਾਂ, ਹੁੰਦੇ ਨੇ ਜਹਾਨ ਤੇ,
ਕਰ ਮੈਨੂੰ ਪੈਦਾ, ਕਰ ਖੁਸ਼ੀ ਮੇਰੀ ਰੱਜ ਕੇ।
ਪੈਦਾ ਹੁੰਦੇ ਸੋਚ, ਮੇਰੇ ਦਾਜ ਵੱਲ ਪੈਦੀ ਏ,
ਉਂਗਲ ਤੂੰ ਫੜ ,ਪੱਬ ਧਰਾ ਅਸਮਾਨ ਤੇ।
ਧੀ ਪੈਦਾ ਹੁੰਦੇ ਮੱਥੇ, ਤਿਉੜੀ ਪੈਦੀ ਜੱਗ ਤੇ,
ਸੱਚੀ ਸੁੱਚੀ ਲੌਅ, ਮੈਂ ਜਗਾਊ ਇਸ ਜੱਗ ਤੇ।
ਸਿਰ ਧੀਆਂ ਭਾਰ, ਕਹਿੰਦੇ ਹੁੰਦੀਆਂ ਨੇ ਜੱਗ ਤੇ,
ਭਾਰ ਮੈਂ ਵੰਡਾਊ ਤੇਰਾ, ਉਮਰਾਂ ਤੋ ਵੱਧ ਕੇ।
ਪੁੱਤ ਹੁੰਦੇ ਮਿੱਠੇ ਮੇਵੇ, ਕਹਿੰਦੇ ਇਸ ਜੱਗ 'ਤੇ,
ਸ਼ਹਿਦ ਨਾਲੋਂ ਮਿੱਠਾ ਪਿਆਰ, ਪਾਊ ਮੈਥੋਂ ਰੱਜ ਕੇ।
ਬਾਬਲਾ ਪੜ੍ਹਾ ਦੇ ਮੈਨੂੰ, ਇੱਕ ਵਾਰ ਰੱਜ ਕੇ,
ਗਹਿਣਆਂ ਤੋਂ ਬਿਨ 'ਸੁੱਖੇ', ਦਿਖਾਊਂ ਤੈਨੂੰ ਸੱਜ ਕੇ।
