ਆਪਣੇ ਆਪ ਤੇ ਹਰ ਕੋਈ ਮਾਣ ਕਰਦਾ
ਬੰਦਾ ਅਸਲ ਜਿਸ ਤੇ ਸਭ ਨੂੰ ਮਾਣ ਹੋਵੇ ।
ਉਸ ਬੰਦੇ ਨੂੰ ਬੰਦਾ ਨਾ ਗਿਣਨ ਲੋਕੀ
ਜਿਹਦੇ ਵੱਸ ਨਾ ਆਪਣੀ ਜ਼ੁਬਾਨ ਹੋਵੇ ।
ਉਸ ਬੰਦੇ ਨੂੰ ਗਾਇਕ ਉਸਤਾਦ ਕਹਿੰਦੇ
ਸੁਰ -ਤਾਲ ਦਾ ਜਿਸਨੂੰ ਗਿਆਨ ਹੋਵੇ
ਧੜੇਬੰਦੀ ਦੀ ਸਦਾ ਜੋ ਗੱਲ ਕਰਦਾ
ਮਿੱਤਰੋਂ ਆਦਮੀ ਉਹ ਬੇਈਮਾਨ ਹੋਵੇ ।
ਸਦਾ ਆਪਣਾ ਨਫਾਂ ਜੋ ਮੁੱਖ ਰੱਖੇ
ਸਮਝੋ ਸਵਾਰਥੀ ਉਹ ਇਨਸਾਨ ਹੋਵੇ ।
ਜਿਹੜਾ ਬਚਨ ਕਰਕੇ ਬੰਦਾ ਖਿਸਕ ਜਾਵੇ
ਉਸਦਾ ਕੋਈ ਨਾ ਦੀਨ ਈਮਾਨ ਹੋਵੇ ।
ਐਮ,ਏ ਦੁਨੀਆਂ ਉਸ ਬੰਦੇ ਤੇ ਮਾਣ ਕਰਦੀ
ਜਿਨ੍ਹੇ ਕੀਤਾ ਕੋਈ ਕੰਮ ਮਹਾਨ ਹੋਵੇ।
