ਸਹੀਦ ਭਗਤ ਸਿੰਘ ਦੀ ਆਤਮਾ ਕੁਰਲਾਉਂਦੀ ਵੇਖੀ ਮੈਂ,
ਭਾਰਤ ਦੀ ਗਲੀ ਗਲੀ ਚ ਦੁਹਾਈ ਪਾਉਂਦੀ ਵੇਖੀ ਮੈਂ।
ਕਹਿੰਦੀ"ਕੀ ਸੋਚ ਕੇ ਮੈਂ ਆਪਣੀ ਕੁਰਬਾਨੀ ਦਿੱਤੀ ਸੀ"
ਆਪਣੇ ਇਸ ਫੈਸਲੇ ਤੇ ਲਾਹਨਤਾਂ-ਦੋਸ ਲਾਉਂਦੀ ਵੇਖੀ ਮੈਂ।
ਜਗ੍ਹਾ ਜਗ੍ਹਾ ਭ੍ਰਿਸ਼ਟ ਲੀਡਰ ਤੇ ਧਰਮੀ ਠੇਕੇਦਾਰ ਵੇਖ ਕੇ,
ਰਕਤ ਦੇ ਅੱਥਰੂ ਮਣਾਂ-ਮੂੰਹੀਂ ਵਹਾਉਂਦੀ ਵੇਖੀ ਮੈਂ।
ਮਜ਼ਦੂਰਾਂ ਨੂੰ ਭੁੱਖੇ ਤੇ ਵੇਹਲੜਾਂ ਦੇ ਮੋਟੇ ਮੋਟੇ ਢਿੱਡ ਵੇਖ ਕੇ,
ਟਾਹਣੀ ਤੋਂ ਟੁੱਟੇ ਫੁੱਲ ਵਾਂਗੂੰ ਮੁਰਝਾਉਂਦੀ ਵੇਖੀ ਮੈਂ।
ਸਾਡਾ ਸਾਰਾ ਰਾਜਪ੍ਰਬੰਧ ਤੇ ਸਮਾਜ ਸਿਸਟਮ ਵੇਖ ਕੇ,
ਖੁਦਾ ਦੀ ਕਸਮ ਹੰਝੂਆਂ ਦੀ ਵਰਖਾ ਵਰਸਾਉਂਦੀ ਵੇਖੀ ਮੈਂ।
ਸਿੱਧੂ' ਵਾਂਗ ਹੋਰ ਵਿਚਾਰੀ ਫਿਰ ਕਰ ਵੀ ਕੀ ਸਕਦੀ ਸੀ,
ਆਖਰ ਥੱਕ ਹਾਰ ਕੇ ਆਪਣਾ ਮਨ ਸਮਝਾਉਂਦੀ ਵੇਖੀ ਮੈਂ।
