ਬੁਰਿਆਂ ਦੀ ਬੁਰਿਆਈ ਸੱਜਣਾ
ਪਿਆਰ ਤੇਰੇ ਬਖਸ਼ਾਈ ਸੱਜਣਾ
ਬੇ ਅਸੂਲੀਆਂ ਗੱਲਾਂ ਕਰਕੇ
ਜਿੰਨ੍ਹਾਂ ਜਿੰਦ ਸਤਾਈ ਸੱਜਣਾ
ਓਹਨਾਂ ਝੋਲੀ ਪਾ ਜਿੰਦਗੀ ਦੀ
ਦਿੱਤੀ ਅਸਾਂ ਕਮਾਈ ਸੱਜਣਾ
ਕੀ ਨਹੀਂ ਸੁਣਿਆ ਕੀ ਨਹੀਂ ਜਰਿਆ
ਗੱਲ ਨਾ ਦਿਲ ਤੇ ਲਾਈ ਸੱਜਣਾ
ਸੱਚੇ ਪਿਆਰ ਤੇਰੇ ਦੇ ਅੱਗੇ
ਖੜੇ ਆਂ ਸੀਸ ਝੁਕਾਈ ਸੱਜਣਾ
ਹਰ ਵੇਲੇ ਹਰ ਪਾਸਿਓ ਹਰ ਪਲ
ਵਰਤਾਂਗੇ ਨਰਮਾਈ ਸੱਜਣਾ
ਕਦੇ ਭਰੋਸੇ ਯੋਗ ਨਹੀਂ ਹੁੰਦੇ
ਭਾਵੇਂ ਬੰਦੇ ਦਾਈ ਸੱਜਣਾ
ਭਲਿਆਂ ਦੇ ਹਿੱਸੇ ਹੀ ਆਉਂਦੀ
ਆਖਰ ਨੂੰ ਭਲਿਆਈ ਸੱਜਣਾ
ਹਸ ਖੇਡ ਕੇ "ਅਮਰ" ਲੰਘਾਉਣੇ
ਜਿੰਦਗੀ ਦੇ ਦਿਨ ਢਾਈ ਸੱਜਣਾ
