ਕੰਧਾਂ ਉੱਤੇ ਆਵੇ ਛਿਪਕਲੀ।
ਲੱਕ ਬੜਾ ਮਟਕਾਵੇ ਛਿਪਕਲੀ।
ਜਾਤ ਦੀ ਇਹੇ ਕੋਹੜ ਕਿਰਲੀ,
ਕੀਟ-ਪਤੰਗੇ ਖਾਵੇ ਛਿਪਕਲੀ।
ਸੱਪ ਦੀ ਮਾਸੀ ਇਹਨੂੰ ਕਹਿੰਦੇ,
ਝੀਥਾਂ ਵਿੱਚ ਛੁਪ ਜਾਵੇ ਛਿਪਕਲੀ।
ਮੱਛਰ-ਮੱਖੀਆਂ ਵੀ ਖਾ ਜਾਂਦੀ,
ਮਾਸਾਹਾਰੀ ਕਹਿਲਾਵੇ ਛਿਪਕਲੀ।
ਚਿਪਕੋ ਰਾਣੀ ਚਿਪਕਣ ਵਾਲੀ,
ਸ਼ਤੀਰਾਂ ਨੂੰ ਜੱਫ਼ੇ ਪਾਵੇ ਛਿਪਕਲੀ।
ਬਣ ਆਈ ਤੋਂ ਰੇਲ ਬਣੇਂਦੀ,
ਫਿਰ ਨਾ ਹੱਥੀਂ ਆਵੇ ਛਿਪਕਲੀ।
ਮਰ ਜਾਣੀ ਕਚਿਆਣ ਭਰੀ ਜਿਹੀ,
ਨਾ ਹੀ ਚੇਤੇ ਆਵੇ ਛਿਪਕਲੀ।
ਤਰ੍ਹਾਂ-ਤਰ੍ਹਾਂ ਦੀਆਂ ਨਸਲਾਂ ਵਾਲੀ,
ਹਰ ਥਾਂ ਤੇ ਮਿਲ ਜਾਵੇ ਛਿਪਕਲੀ।
