'ਪੁੱਤ-ਪੁੱਤ' ਆਖ ਕੇ ਬੁਲਾਉਂਦੀ ਹੁੰਦੀ ਸੀ।
ਦਾਦੀ ਮਾਂ ਕਹਾਣੀਆਂ ਸੁਣਾਉਂਦੀ ਹੁੰਦੀ ਸੀ।
'ਕੱਠੇ ਹੋ ਕੇ ਜਦੋਂ ਜਾ ਉਦਾਲੇ ਬਹਿੰਦੇ ਸਾਂ।
'ਦਾਦੀ ਮਾਂ ਕਹਾਣੀ ?'ਅਸੀਂ ਸਾਰੇ ਕਹਿੰਦੇ ਸਾਂ।
ਕਥਾ ਉਹ ਲਮੇਰੀ ਜਿਹੀ ਛੋਂਹਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
ਪਰੀਆਂ ਦੀ ਗਾਥਾ ਕਦੇ ਰਾਜੇ-ਰਾਣੀ ਦੀ।
ਕਦੇ-ਕਦੇ ਅੱਗ ਦੀ ਤੇ ਕਦੇ ਪਾਣੀ ਦੀ।
ਬਾਤ ਕਦੇ ਭੂਤਾਂ ਦੀ ਵੀ ਪਾਉਂਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
ਕਹਾਣੀਆਂ ਸੁਣਾ ਕੇ ਹੁਸ਼ਿਆਰ ਕਰਦੀ।
ਬੱਚਿਆਂ ਨੂੰ ਬਹੁਤ ਸੀ ਪਿਆਰ ਕਰਦੀ।
ਸਦਾ ਸੱਚ ਬੋਲਣਾ ਸਿਖਾਉਂਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
ਜਦੋਂ ਕਦੇ ਅਸੀਂ ਬੱਚੇ ਸ਼ੋਰ ਕਰਦੇ।
ਦਾਦੀ ਜੀ ਨੂੰ ਤੰਗ ਥੋੜ੍ਹਾ ਹੋਰ ਕਰਦੇ।
ਖੂੰਡੀ ਨਾਲ ਸਾਨੂੰ ਧਮਕਾਉਂਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
ਦਾਦੀ ਮਾਂ ਦਾ ਅਸੀਂ ਸਤਿਕਾਰ ਕਰਦੇ।
ਰੱਬ ਜਿੰਨਾ ਦਾਦੀ ਨੂੰ ਪਿਆਰ ਕਰਦੇ।
ਦਾਦੀ ਸਾਡੇ ਮਨਾ ਤਾਈਂ ਭਾਉਂਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
ਸਾਡੇ ਟੁੱਟੇ ਦਿਲਾਂ ਤਾਈਂ ਫੇਰ ਜੋੜ ਦੇ।
ਹਾੜੇ-ਹਾੜੇ ਰੱਬਾ ਸਾਡੀ ਦਾਦੀ ਮੋੜ ਦੇ।
ਤੇਰੇ ਦਰ ਉੱਤੇ ਦਾਦੀ ਆਉਂਦੀ ਹੁੰਦੀ ਸੀ,
ਦਾਦੀ ਮਾਂ ਕਹਾਣੀਆਂ……………!
