ਧੰਨ-ਧੰਨ ਦਸ਼ਮੇਸ਼ ਪਿਤਾ ਤੂੰ ਧੰਨ ਤੇਰੀ ਕੁਰਬਾਨੀ।
ਵਾਹ ਗੁਜਰੀ ਦੀ ਕੁੱਖੋਂ ਜਾਏ ਸਿੱਖ ਧਰਮ ਦੇ ਬਾਨੀ।
ਜ਼ੁਲਮ ਦਾ ਸੱਤਿਆਨਾਸ ਕਰਨ ਲਈ ਹੱਥ ਤਲਵਾਰ ਉਠਾਈ।
ਪੰਜ ਪਿਆਰੇ ਸਾਜ ਤੁਸਾਂ ਨੇ ਸਿੱਖ ਕੌਮ ਬਣਾਈ।
ਧੰਨ ਹੈ ਤੇਰੀ ਸਿੱਖੀ ਪਾਤਸ਼ਾਹ ਇਹਦੇ ਕੰਮ ਲਾਸਾਨੀ।
ਡੁਬਦੀ ਜਾਂਦੀ ਹਿੰਦ ਕੌਮ ਦੀ ਪੱਤ ਨੂੰ ਤੁਸਾਂ ਬਚਾਇਆ।
ਮਾਂ-ਬਾਪ ਤੇ ਚਹੁੰ ਪੁੱਤਰਾਂ ਨੂੰ ਦੇਸ਼ ਦੇ ਲੇਖੇ ਲਾਇਆ।
ਆਪਣਾ ਸਭ ਕੁਝ ਵਾਰ ਤੁਸਾਂ ਨੇ ਤੱਕੀ ਨਾ ਕਦੇ ਵੀਰਾਨੀ।
ਤਨ-ਮਨ ਤੇ ਧਨ ਲਾ ਕੇ ਜ਼ੁਲਮ ਦਾ ਨਾਮ ਮਿਟਾਇਆ।
ਚਹੁੰ ਪੁੱਤਰਾਂ ਦੀ ਛਾਤੀ ਉੱਤੇ ਸਿੱਖੀ ਮਹਿਲ ਸਜਾਇਆ।
ਦੁਨੀਆਂ ਵਿੱਚ ਦਸ਼ਮੇਸ਼ ਪਿਆਰੇ ਨਾ ਤੇਰਾ ਕੋਈ ਸਾਨੀ।
ਤੇਰੀ ਤੱਕ ਕੁਰਬਾਨੀ ਦਾਤਾ ਮਨ-ਮਸਤਕ ਝੁਕ ਜਾਂਦਾ।
ਚਿੱਤਾਂ ਵਿੱਚੋਂ ਊਚ-ਨੀਚ ਦਾ ਝੇੜਾ ਵੀ ਮੁਕ ਜਾਂਦਾ।
ਤਾਹੀਓਂ ਗਾਉਂਦਾ ਪਿਆ ਬਹੋਨਾ ਤੇਰੇ ਗੀਤ ਜੁਬਾਨੀ।
