ਕੰਧਾਂ ਕੰਧਾਂ ਕੰਧਾਂ,
ਏਧਰ ਕੰਧਾਂ ਓਧਰ ਕੰਧਾਂ,
ਕਿੰਜ ਕੰਧਾਂ 'ਚੋਂ ਲੰਘਾਂ।
ਮੇਰੇ ਮੱਥੇ ਦੇ ਵਿੱਚ ਵੱਜਣ,
ਮੇਰੇ ਘਰ ਦੀਆਂ ਕੰਧਾਂ,
ਮੇਰੇ ਘਰ ਨੂੰ ਪਈਆਂ ਖਾਵਣ,
ਮੇਰੇ ਘਰ ਦੀਆਂ ਕੰਧਾਂ।
ਮੈਨੂੰ 'ਮੂਰਖ' ਜੱਗ ਇਹ ਆਖੂ,
ਜੇ ਕੰਧਾਂ ਨੂੰ ਭੰਡਾਂ,
ਮੈਨੂੰ ਸੱਭੇ ਕੰਧਾਂ ਲੱਗਣ,
ਮੈਂ ਕੀ ਕੰਧਾਂ ਤੋਂ ਮੰਗਾਂ।
ਮੇਰੇ ਮੱਥੇ ਦੇ ਵਿੱਚ ਕੰਧਾਂ,
ਕੰਧਾਂ ਦੇ ਵਿੱਚ ਕੰਧਾਂ,
ਦਿਲ ਕਰਦਾ ਏ ਸੂਲੀ ਚਾੜ੍ਹਾਂ,
ਇਹ ਸੱਭੇ ਹੀ ਕੰਧਾਂ।
ਮੇਰੇ ਢਿੱਡ ਵਿੱਚ ਕੰਧਾਂ ਕੰਧਾਂ,
ਕਿਹਨੂੰ ਕਿਹਨੂੰ ਵੰਡਾਂ,
ਮੈਨੂੰ ਜੱਗ ਨੇ ਕੰਧਾਂ ਦਿੱਤੀਆਂ,
ਮੈਂ ਕੀ ਜੱਗ ਨੂੰ ਵੰਡਾਂ ?
