ਨ੍ਹਾ-ਧੋ ਕੇ ਚੱਲੀਏ ਮੇਲੇ।
ਕਰਾਂਗੇ ਉੱਥੇ ਹਾਸੇ-ਖੇਲੇ।
ਰੱਜ ਮਿਠਈਆਂ ਖਾਵਾਂਗੇ,
ਵਾਹ!ਵਾਹ! ਖੁਸ਼ੀ ਮਨਾਵਾਂਗੇ—।
ਮੇਲੇ ਦੇ ਵਿੱਚ ਰੌਣਕ ਡਾਢੀ।
ਨੱਚੂ-ਟੱਪੂ ਟੋਲੀ ਸਾਡੀ।
ਸਭ ਨੂੰ ਨਾਲ ਨਚਾਵਾਂਗੇ,
ਵਾਹ!ਵਾਹ! ਖੁਸ਼ੀ ਮਨਾਵਾਂਗੇ—।
ਬਾਂਦਰ ਵਾਲਾ ਖੇਲਾ ਪਾਊ।
ਬੰਦਰੀਆ ਵੀ ਨਾਚ ਦਿਖਾਊ।
ਰਿੱਛ ਦੇ ਦਰਸ਼ਨ ਪਾਵਾਂਗੇ,
ਵਾਹ!ਵਾਹ! ਖੁਸ਼ੀ ਮਨਾਵਾਂਗੇ—।
ਨਿੱਕੇ-ਵੱਡੇ ਕਈ ਖਿਡੌਣੇ।
ਅਸੀਂ ਤਾਂ ਆਪਣੇ ਨਾਲ ਲਿਆਉਣੇ।
ਮੰਮੀ ਨੂੰ ਵਿਖਾਵਾਂਗੇ,
ਵਾਹ!ਵਾਹ! ਖੁਸ਼ੀ ਮਨਾਵਾਂਗੇ—।
ਖਿੜੀਆਂ ਉੱਥੇ ਵਾਂਗ ਗੁਲਾਬਾਂ।
ਪੜਨ੍ਹ ਵਾਸਤੇ ਬਹੁਤ ਕਿਤਾਬਾਂ-
ਕਿੱਸੇ ਲੈ ਕੇ ਆਵਾਂਗੇ,
ਵਾਹ!ਵਾਹ! ਖੁਸ਼ੀ ਮਨਾਵਾਂਗੇ—।
