"ਮਸਾਂ ਮਸਾਂ ਹੈ ਮੌਕਾ ਆਇਆ,
ਹੁਣ ਵੇਲਾ ਹੈ ਰੌਲਾ ਪਾਈਏ ।
ਹਰ ਥਾਂ ਗੱਡ ਕੇ ਸੇਹ ਦੇ ਤੱਕਲੇ,
ਬੀਜ ਮਨਾਂ ਵਿਚ ਅੱਕ-ਧਤੂਰੇ,
ਆਓ ਸੋਹਣੀ ਫਸਲ ਉਗਾਈਏ ।"
ਭਾਸ਼ਾ ਦਾ ਉਸ਼ਟੰਡ ਰਚਾ ਕੇ,
ਜ਼ਾਤ ਧਰਮ ਦੇ ਝਗੜੇ ਪਾ ਕੇ,
ਨਾਲ ਖੁਸ਼ੀ ਦੇ ਵਸਦੇ ਹੋਏ,
ਭਾਰਤੀਆਂ ਨੂੰ
ਆਓ ਆਪੋ ਵਿਚ ਲੜਾਈਏ ।"
"ਕਿਸ ਨੇ ਸਾਡੇ ਪਿੰਡਿਆਂ ਉਤੋਂ,
ਲਾਹ ਕੇ ਝੂਠ ਫ਼ਰੇਬਾਂ ਵਾਲੇ,
ਚਿੱਟੇ ਕੁੜਤੇ,
ਸੰਤਾਲੀ ਤੋਂ ਪਹਿਲਾਂ ਦੀਆਂ,
ਡਾਂਗਾਂ ਅਤੇ ਗੋਲੀਆਂ ਵਾਲੇ,
ਫੱਟ ਗਿਣਨੇ ਨੇ ।
ਹੁਣ ਦੀ ਕੀਤੀ ਹੋਈ ਕਮਾਈ,
ਕੰਮ ਆਵੇਗੀ ।
ਬਿਨਾਂ ਖਰਚ ਤੋਂ,
ਨਾਸਤਕਾਂ ਨੂੰ ਕੱਢ ਕੇ ਗਾਲ੍ਹਾਂ,
ਆਓ ਦੇਸ਼ ਭਗਤ ਬਣ ਜਾਈਏ ।"
"ਚਿਰ ਤੋਂ ਸ਼ਹਿਰ ਦੀਆਂ ਗਲੀਆਂ,
ਸੁੰਨ-ਸਾਨ ਨੇ,
ਨਾਲ ਲਹੂ ਦੇ ਖੇਡ ਕੇ ਹੋਲੀ,
ਹਰ ਮੋੜ ਤੇ ਰੌਣਕ ਲਾਉ ।
ਇਸ ਮੌਕੇ ਨੇ ਨਿਤ ਨਹੀਂ ਆਉਣਾ,
ਵੇਲਾ ਸੰਭਲੋ, ਲਾਭ ਉਠਾਉ ।"
