ਮੁਬਾਰਕ! ਮੁਬਾਰਕ! ਮੁਬਾਰਕ!
ਤੈਨੂੰ ਨਵੇਂ ਯਾਰ ਮੁਬਾਰਕ!
ਜੋ ਸੀਨੇ ਕੀਤੇ ਸਾਡੇ ਕੱਸਕੇ
ਤੈਨੂੰ ਤੇਰੇ ਵਾਰ ਮੁਬਾਰਕ!
ਹੱਸਕੇ ਜਰਾਂਗੇ ਵਾਅਦਾ ਸਾਡਾ
ਤੈਨੂੰ ਤੇਰੀ ਮਾਰ ਮੁਬਾਰਕ!
ਸਾਡੀ ਕੱਲਮ ਕਹਿਰੀ ਬਾਕੀ
ਤੈਨੂੰ ਅੱਖਾਂ ਚਾਰ ਮੁਬਾਰਕ!
ਸਾਨੂੰ ਹਾੜੀਂ ਧੁੱਪ ਆਮੀਨ
ਤੈਨੂੰ ਤੇਰੀ ਠਾਰ ਮੁਬਾਰਕ!
ਸਾਨੂੰ ਗੱਬਿਆਂ ਫਸੇ ਕਬੂਲ
ਤੈਨੂੰ ਤੇਰੀ ਪਾਰ ਮੁਬਾਰਕ!
ਸਾਡੀ ਬਿਨ ਸਾਨੀ ਤਲਵਾਰ
ਤੈਨੂੰ ਤੇਜ਼ ਧਾਰ ਮੁਬਾਰਕ!
ਤੈਨੂੰ ਤੇਰੀ ਜਿੱਤ ਮੁਬਾਰਕ!
ਸਾਨੂੰ ਸਾਡੀ ਹਾਰ ਮੁਬਾਰਕ!
ਮੁਬਾਰਕ! ਮੁਬਾਰਕ! ਮੁਬਾਰਕ!
ਤੈਨੂੰ ਨਵੇਂ ਯਾਰ ਮੁਬਾਰਕ!
ਜੋ ਸੀਨੇ ਕੀਤੇ ਸਾਡੇ ਕੱਸਕੇ
ਤੈਨੂੰ ਤੇਰੇ ਵਾਰ ਮੁਬਾਰਕ!
