ਰੇ-ਰਾਤੀਂ ਜਾਗੇ ਜਾਗ ਪਵੇ
ਤੇਰਾ ਜਾਵਣਾਂ ਹੋਸੀ ਵਹੀਂ ਵਹੀਂ ।
ਜਮ ਜਮ ਪੀੜਾਂ ਖਾਵੇ ਤਾਂ
ਮੰਗਣ ਜਾਵਣਾਂ ਹੋਸੀ ਵਹੀਂ ਵਹੀਂ ।
ਤੂੰ ਨ ਬਿੰਦਰਾਬਨ ਵਿੱਚ ਮੋਹਣ ਵੇ
ਵਲ ਜਾਵਣਾਂ ਹੋਸੀ ਵਹੀਂ ਵਹੀਂ ।
ਜਿਥੇ ਮੁਰਲੀ ਕਾਹਨ ਵਜਾਵਣੀ
ਓਥੇ ਆਵਣਾਂ ਹੋਸੀ ਵਹੀਂ ਵਹੀਂ ।
ਦਹੀਂ ਮੱਖਣ ਖੀਰ ਤੇ ਕੁੱਠੇ ਕਾਰਣ
ਚਾਵਣਾਂ ਹੋਸੀ ਵਹੀਂ ਵਹੀਂ ।
ਤਾਈਂ ਤਾਂ ਵਤ ਮੋਹਣ ਲਾਲ
ਸੁਣਾਵਣਾਂ ਹੋਸੀ ਵਹੀਂ ਵਹੀਂ ।
ਏਸ ਸੁਨਹਰੀ ਚੂੜੇ ਨੂੰ
ਖੜਕਾਵਣਾਂ ਹੋਸੀ ਵਹੀਂ ਵਹੀਂ ।
ਦਾਣਾ ਦਾਣਾ ਚੰਦਨਹਾਰ
ਖਿੰਡਾਵਣਾਂ ਹੋਸੀ ਵਹੀਂ ਵਹੀਂ ।
ਇਹ ਹਾਰ ਸਿੰਗਾਰ ਘੱਤੇ ਖਾਕ
ਮਿਲਾਵਣਾ ਹੋਸੀ ਵਹੀਂ ਵਹੀਂ ।
ਪਕੜ ਸੁਨਹਰੀ ਬੈਂਸਰ ਗਾਣਾ
ਝੋਕਾਵਣਾ ਹੋਸੀ ਵਹੀਂ ਵਹੀਂ ।
ਪਰ ਆਖਿਰ ਹੈਦਰ ਕਿਸੇ ਨ ਆ,
ਛੁੜਾਵਣਾ ਹੋਸੀ ਵਹੀਂ ਵਹੀਂ ।੩।
