ਵੇ ਪਿਆਰ ਵੀ ਮੇਰਾ ਏ, ਤੇ ਦਿਲ ਵੀ ਮੇਰਾ ਏ।
ਭਾਵੇਂ ਤੂੰ ਬੇਵਫ਼ਾ, ਪਰ ਤੂੰ ਵੀ ਮੇਰਾ ਏਂ।
ਮੇਰੇ ਸਾਹ ਵੀ ਤੇਰੇ ਨੇ, ਮੇਰੇ ਚਾਅ ਵੀ ਤੇਰੇ ਨੇ।
ਮੈਂ ਤੁਰਦੀ ਤੇਰੇ ਵੱਲ, ਮੇਰੇ ਰਾਹ ਵੀ ਤੇਰੇ ਨੇ।
ਤੂੰ ਦਿਲੋਂ ਕੱਢ ਗਿਆਂ ਏ, ਪਰ ਮੈਂ ਨਹੀਂ ਕੱਢਿਆ।
ਤੂੰ ਛੱਡ ਗਿਆ ਰੋਂਦੀ ਨੂੰ, ਪਰ ਮੈਂ ਨਹੀਂ ਛੱਡਿਆ।
ਸ਼ੈਰੀ ਤੂੰ ਬੇ-ਕਦਰਾ, ਮੇਰੀ ਕਦਰ ਨਾ ਪਾਈ ਵੇ।
ਦੇਖੇ ਬਿਨ੍ਹ ਲੰਘ ਜਾਨੈਂ, ਜਿਵੇਂ ਲੰਘਦਾ ਰਾਹੀ ਵੇ।
ਤੈਨੂੰ ਮਿਲ ਗਿਆ ਹੋਰ ਹੋਣਾਂ, ਮੇਰੀ ਰੂਹ ਤੜਫਾਈ ਵੇ।
ਜਿਸਮ ਹੰਢਾ ਕੇ ਛੱਡ ਗਿਐਂ, ਬਿਨ੍ਹਾਂ ਗੱਲ ਦੀ ਲੜਾਈ ਵੇ।
ਤੇਰਾ ਧੋਖਾ ਵੀ ਮੇਰਾ ਏ, ਇਸ਼ਕ ਅਨੋਖਾ ਵੀ ਮੇਰਾ ਏ।
ਮੁੜ ਆ ਜਾ ਤੂੰ ਸੱਜਣਾ, ਮੌਕਾ ਹੀ ਤੇਰਾ ਏ।
ਤੇਰੀ ਗ਼ਲਤੀ ਮੇਰੀ ਏ, ਬੇਵਫ਼ਾਈ ਵੀ ਮੇਰੀ ਏ।
ਮੇਰਾ ਤਾਂ ਇੱਕ ਤੂੰ ਹੀ, ਸਾਰੀ ਖ਼ੁਦਾਈ ਤੇਰੀ ਵੇ।
