ਉੱਡਦੀ ਚਿੜੀ ਦੇ ਜੇ
ਤੂੰ ਖੰਭ ਗਿਣ ਲੈਦਾਂ ਸੈਂ,
ਅੱਜ-ਕੱਲ੍ਹ ਉਸ ਤੋਂ,
ਅਗਾਂਹ ਦੀਆਂ ਗੱਲਾਂ ਨੇ।
ਕਿੱਥੇ ਲੱਗਾ ਫਿਰਨਾ ਏ ?
ਕੰਧਾਂ ਦੇ ਜੇ ਕੰਨ ਸੀ ਤੇ
ਅੱਜ-ਕੱਲ੍ਹ ਅੱਖਾਂ ਨੇ,
ਹਰ ਪਾਸੇ ਅੱਖਾਂ ਨੇ,
ਮੂੰਹਾਂ ਨੂੰ ਕੀ ਵੇਖਣਾਂ ਏ,
ਹੱਥਾਂ ਵਿੱਚ ਅੱਖਾਂ ਨੇ ਤੇ
ਤਲੀ ਤੇ ਜ਼ਮਾਨਾ ਏ,
ਕਿੱਥੇ ਲੱਗਾ ਫਿਰਨਾ ਏਂ ?
ਬੋਲਦੇ ਜੇ ਨਹੀਂ ਲੋਕੀਂ
ਵੇਖਦੇ ਤੇ ਪਏ ਨੇ,
ਬੋਲਦੇ ਵੀ ਪਏ ਨੇ।
ਤੇਰੀਆਂ ਇਹ ਪਾਟੀਆਂ
ਪੁਰਾਣੀਆਂ ਚਲਾਕੀਆਂ,
ਤੇ ਕੂੜ ਦਾ ਵਪਾਰ,
ਹੁਣ ਚੱਲ ਨਹੀਓਂ ਸਕਣਾ।
ਅੰਨ੍ਹਿਆਂ ਦੇ ਦੌਰ ਦਿਆ
ਕਾਣਿਆ ਵਿਚਾਰਿਆ,
ਕਿੱਥੇ ਲੱਗਾ ਫਿਰਨਾਂ ਏ ?
