ਅਮਰੀਕੀ 'ਗੋਲਡ ਕਾਰਡ' ਯੋਜਨਾ: ਭਾਰਤੀ ਵਿਦਿਆਰਥੀਆਂ ਲਈ ਨਵੀਆਂ ਨੌਕਰੀਆਂ ਅਤੇ ਨਾਗਰਿਕਤਾ ਦੇ ਮੌਕੇ
ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਨੇ ਕਿਹਾ ਹੈ ਕਿ ਅਮਰੀਕੀ ਕੰਪਨੀਆਂ ਹੁਣ ਨਵੀਂ 'ਗੋਲਡ ਕਾਰਡ' ਨਾਗਰਿਕਤਾ ਪਹਿਲਕਦਮੀ ਦੇ ਤਹਿਤ ਅਮਰੀਕੀ ਯੂਨੀਵਰਸਿਟੀਆਂ ਤੋਂ ਭਾਰਤੀ ਗ੍ਰੈਜੂਏਟ ਵਿਦਿਆਰਥੀਆਂ ਨੂੰ ਨੌਕਰੀ 'ਤੇ ਰੱਖ ਸਕਣਗੀਆਂ। ਟਰੰਪ ਨੇ ਜ਼ੋਰ ਦੇ ਕੇ ਕਿਹਾ ਕਿ ਮੌਜੂਦਾ ਪ੍ਰਣਾਲੀ ਨੇ ਚੋਟੀ ਦੇ ਭਾਰਤੀ ਪ੍ਰਤਿਭਾਸਾਲੀ ਵਿਦਿਆਰਥੀਆਂ ਨੂੰ ਅਮਰੀਕਾ ਛੱਡਣ ਲਈ ਮਜਬੂਰ ਕੀਤਾ ਹੈ, ਜਿਸ ਨਾਲ ਉਨ੍ਹਾਂ ਵਿਦਿਆਰਥੀਆਂ ਨੇ ਮੁੱਖ ਮੌਕੇ ਗੁਆਏ ਹਨ। ਇਹ ਐਲਾਨ, ਜੋ ਭਾਰਤੀ ਵਿਦਿਆਰਥੀਆਂ ਲਈ ਇੱਕ ਵੱਡਾ ਹੁਲਾਰਾ ਹੈ, ਬੁੱਧਵਾਰ ਨੂੰ ਉਨ੍ਹਾਂ ਦੇ 'ਗੋਲਡ ਕਾਰਡ' ਦੇ ਉਦਘਾਟਨ ਤੋਂ ਬਾਅਦ ਆਇਆ ਹੈ - 5 ਮਿਲੀਅਨ ਅਮਰੀਕੀ ਡਾਲਰ ਦਾ ਭੁਗਤਾਨ ਕਰਨ ਲਈ ਤਿਆਰ ਅਮੀਰ ਵਿਦੇਸ਼ੀ ਨਿਵੇਸ਼ਕਾਂ ਲਈ ਅਮਰੀਕੀ ਨਾਗਰਿਕਤਾ ਪ੍ਰਾਪਤ ਕਰਨ ਦਾ ਨਵਾਂ ਮੌਕਾ ਹੈ।
ਟਰੰਪ ਨੇ ਇਸ ਗੱਲ 'ਤੇ ਜ਼ੋਰ ਦਿੱਤਾ ਕਿ ਕਿਵੇਂ ਮੌਜੂਦਾ ਇੰਮੀਗ੍ਰੇਸ਼ਨ ਪ੍ਰਣਾਲੀ ਨੇ ਭਾਰਤ ਸਮੇਤ ਦੂਜੇ ਦੇਸ਼ਾਂ ਤੋਂ ਆਏ ਵਿਅਕਤੀਆਂ ਨੂੰ ਅਮਰੀਕਾ ਵਿੱਚ ਰਹਿਣ ਅਤੇ ਕੰਮ ਕਰਨ ਤੋਂ ਰੋਕਿਆ ਹੈ।ਟਰੰਪ ਨੇ ਕਿਹਾ ਹੈ ਕਿ "ਅਮਰੀਕਾ ਵਿੱਚ ਵਿਅਕਤੀ ਭਾਰਤ, ਚੀਨ, ਜਾਪਾਨ, ਬਹੁਤ ਸਾਰੀਆਂ ਵੱਖ-ਵੱਖ ਥਾਵਾਂ ਤੋਂ ਆਉਂਦੇ ਹਨ, ਅਤੇ ਉਹ ਹਾਰਵਰਡ, ਵਹਾਰਟਨ ਸਕੂਲ ਆਫ਼ ਫਾਈਨੈਂਸ ਜਾਂਦੇ ਹਨ... ਉਹਨਾਂ ਨੂੰ ਨੌਕਰੀ ਦੀਆਂ ਪੇਸ਼ਕਸ਼ਾਂ ਕੀਤੀਆਂ ਜਾਂਦੀਆਂ ਹਨ, ਪਰ ਇਹ ਪੇਸ਼ਕਸ਼ ਓਦੋਂ ਰੱਦ ਕਰ ਦਿੱਤੀ ਜਾਂਦੀ ਹੈ ਕਿਉਂਕਿ ਉਹਨਾਂ ਕੋਈ ਪਤਾ ਨਹੀਂ ਹੁੰਦਾ ਕਿ ਉਹ ਵਿਅਕਤੀ ਦੇਸ਼ ਵਿੱਚ ਰਹਿ ਸਕਦਾ ਹੈ ਜਾਂ ਨਹੀਂ।" ਇਸ ਨੀਤੀ ਦੇ ਨਤੀਜਿਆਂ ਬਾਰੇ ਬੋਲਦਿਆਂ, ਟਰੰਪ ਨੇ ਸਵੀਕਾਰ ਕੀਤਾ ਕਿ ਬਹੁਤ ਸਾਰੇ ਪ੍ਰਤਿਭਾਸ਼ਾਲੀ ਗ੍ਰੈਜੂਏਟ ਵਿਦਿਆਰਥੀ ਜਿਨ੍ਹਾਂ ਨੂੰ ਅਮਰੀਕਾ ਛੱਡਣ ਲਈ ਮਜਬੂਰ ਕੀਤਾ ਗਿਆ ਸੀ, ਉਹ ਆਪਣੇ ਘਰੇਲੂ ਦੇਸ਼ਾਂ ਵਿੱਚ ਸਫਲ ਉੱਦਮੀ ਬਣ ਗਏ।
ਟਰੰਪ ਦੇ ਨਵੇਂ ਗੋਲਡ ਕਾਰਡ ਪ੍ਰੋਗਰਾਮ ਨੂੰ ਮੌਜੂਦਾ ਗ੍ਰੀਨ ਕਾਰਡ ਦੇ ਪ੍ਰੀਮੀਅਮ ਸੰਸਕਰਣ ਵਜੋਂ ਪੇਸ਼ ਕੀਤਾ ਜਾ ਰਿਹਾ ਹੈ, ਜੋ ਲੰਬੇ ਸਮੇਂ ਦੀ ਰਿਹਾਇਸ਼ ਅਤੇ ਨਾਗਰਿਕਤਾ ਦਾ ਰਸਤਾ ਪੇਸ਼ ਕਰਦਾ ਹੈ। ਇਸ ਪਹਿਲਕਦਮੀ ਨੂੰ ਅਮਰੀਕੀ ਅਰਥਵਿਵਸਥਾ ਲਈ ਮਾਲੀਆ ਪੈਦਾ ਕਰਨ ਦੇ ਤਰੀਕੇ ਵਜੋਂ ਵੀ ਤਿਆਰ ਕੀਤਾ ਜਾ ਰਿਹਾ ਹੈ। "ਜੇ ਅਸੀਂ ਇੱਕ ਮਿਲੀਅਨ ਵੇਚਦੇ ਹਾਂ, ਤਾਂ ਇਹ 5 ਟ੍ਰਿਲੀਅਨ ਡਾਲਰ ਹੈ," ਟਰੰਪ ਨੇ ਕਿਹਾ, ਸੁਝਾਅ ਦਿੰਦੇ ਹੋਏ ਕਿ ਪੈਸੇ ਦੀ ਵਰਤੋਂ ਰਾਸ਼ਟਰੀ ਕਰਜ਼ੇ ਦਾ ਭੁਗਤਾਨ ਕਰਨ ਲਈ ਕੀਤੀ ਜਾ ਸਕਦੀ ਹੈ। ਇਹ ਯੋਜਨਾ ਮੌਜੂਦਾ ਈ.ਬੀ-5 ਵੀਜ਼ਾ ਪ੍ਰੋਗਰਾਮ ਦੀ ਥਾਂ ਲਵੇਗੀ, ਜੋ ਉਨ੍ਹਾਂ ਨਿਵੇਸ਼ਕਾਂ ਨੂੰ ਰਿਹਾਇਸ਼ ਪ੍ਰਦਾਨ ਕਰਦਾ ਹੈ ਜੋ ਦਸ ਜਾਂ ਵੱਧ ਲੋਕਾਂ ਨੂੰ ਰੁਜ਼ਗਾਰ ਦੇਣ ਵਾਲੇ ਕਾਰੋਬਾਰਾਂ 'ਤੇ ਘੱਟੋ-ਘੱਟ 10 ਲੱਖ ਅਮਰੀਕੀ ਡਾਲਰ ਖਰਚ ਕਰਦੇ ਹਨ। ਟਰੰਪ ਦਾ ਮੰਨਣਾ ਹੈ ਕਿ ਗੋਲਡ ਕਾਰਡ ਇੱਕ ਗੇਮ-ਚੇਂਜਰ ਹੋਵੇਗਾ।
ਗੋਲਡ ਕਾਰਡ ਵੀਜ਼ਾ ਈ.ਬੀ-5 ਤੋਂ ਕਿਵੇਂ ਵੱਖਰਾ ਹੈ?
ਮੌਜੂਦਾ ਈ.ਬੀ-5 ਪ੍ਰੋਗਰਾਮ ਅਤੇ ਪ੍ਰਸਤਾਵਿਤ 'ਗੋਲਡ ਕਾਰਡ' ਵੀਜ਼ਾ ਵਿਚਕਾਰ ਅੰਤਰ ਹੈਰਾਨ ਕਰਨ ਵਾਲਾ ਹੈ। ਈ.ਬੀ-5 ਸਕੀਮ ਦੇ ਤਹਿਤ, ਵਿਦੇਸ਼ੀ ਨਿਵੇਸ਼ਕਾਂ ਨੂੰ ਅਮਰੀਕੀ ਕਾਰੋਬਾਰਾਂ ਵਿੱਚ 800,000 ਤੋਂ 1.05 ਮਿਲੀਅਨ ਅਮਰੀਕੀ ਡਾੱਲਰ ਦੇ ਵਿਚਕਾਰ ਨਿਵੇਸ਼ ਕਰਨਾ ਚਾਹੀਦਾ ਹੈ ਅਤੇ ਨਾਲ ਹੀ ਘੱਟੋ-ਘੱਟ 10 ਨੌਕਰੀਆਂ ਵੀ ਪੈਦਾ ਕਰਨੀਆਂ ਚਾਹੀਦੀਆਂ ਹਨ। ਇਸ ਤੋਂ ਇਲਾਵਾ, ਬਿਨੈਕਾਰਾਂ ਨੂੰ ਗ੍ਰੀਨ ਕਾਰਡ ਲਈ 5-7 ਸਾਲਾਂ ਦੀ ਲੰਬੀ ਉਡੀਕ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। 1990 ਵਿੱਚ ਇਸਦੀ ਸ਼ੁਰੂਆਤ ਤੋਂ ਬਾਅਦ, ਇਹ ਪ੍ਰੋਗਰਾਮ ਧੋਖਾਧੜੀ ਅਤੇ ਦੁਰਵਰਤੋਂ ਦੇ ਦੋਸ਼ਾਂ ਨਾਲ ਪ੍ਰਭਾਵਿਤ ਹੋਇਆ ਹੈ।
ਇਸ ਦੇ ਮੁਕਾਬਲੇ, 'ਗੋਲਡ ਕਾਰਡ' ਵੀਜ਼ਾ ਵਿੱਤੀ ਸੀਮਾ ਨੂੰ 5 ਮਿਲੀਅਨ ਅਮਰੀਕੀ ਡਾਲਰ ਤੱਕ ਵਧਾ ਦਿੰਦਾ ਹੈ - ਈ.ਬੀ-5 ਦੀ ਜ਼ਰੂਰਤ ਤੋਂ ਪੰਜ ਗੁਣਾ - ਅਮਰੀਕੀ ਨਿਵਾਸ ਲਈ ਇੱਕ ਬਹੁਤ ਤੇਜ਼ ਅਤੇ ਵਧੇਰੇ ਸੁਚਾਰੂ ਰਸਤਾ ਪੇਸ਼ ਕਰਦੀ ਹੈ। ਨਵੀਂ ਸਕੀਮ ਨੌਕਰੀ ਸਿਰਜਣ ਦੇ ਆਦੇਸ਼ ਨੂੰ ਖਤਮ ਕਰਦੀ ਹੈ, ਇਸਨੂੰ ਇੱਕ ਮੁਸ਼ਕਲ ਰਹਿਤ ਵਿਕਲਪ ਬਣਾਉਂਦੀ ਹੈ, ਹਾਲਾਂਕਿ ਇਸਦੀ ਉੱਚ ਕੀਮਤ ਇਸਨੂੰ ਮੱਧ-ਪੱਧਰੀ ਨਿਵੇਸ਼ਕਾਂ ਦੀ ਪਹੁੰਚ ਤੋਂ ਬਾਹਰ ਰੱਖਦੀ ਹੈ।
