ਪਾਕਿਸਤਾਨ ਨੇ ਘਾਟੇ 'ਚ ਚੱਲ ਰਹੀ ਅੰਤਰ-ਰਾਸ਼ਟਰੀ ਏਅਰਲਾਈਨ ਪੀਆਈਏ ਲਈ ਚਾਰ ਸੰਭਾਵੀ ਖਰੀਦਦਾਰਾਂ ਨੂੰ ਦਿੱਤੀ ਮਨਜ਼ੂਰੀ

ਪਾਕਿਸਤਾਨ 7 ਬਿਲੀਅਨ ਡਾਲਰ ਦੇ ਅੰਤਰਰਾਸ਼ਟਰੀ ਮੁਦਰਾ ਫੰਡ ਪ੍ਰੋਗਰਾਮ ਦੇ ਤਹਿਤ ਲਏ ਗਏ ਕਰਜੇ ਨੂੰ ਇਕੱਠਾ ਕਰਨ ਅਤੇ ਸਰਕਾਰੀ ਮਾਲਕੀ ਵਾਲੇ ਉੱਦਮਾਂ ਨੂੰ ਸੁਧਾਰਨ ਲਈ ਲੰਮੇ ਸਮੇਂ ਤੋਂ ਸੰਘਰਸ਼ ਕਰ ਰਹੀ ਰਾਸ਼ਟਰੀ ਏਅਰਲਾਈਨ ਵਿੱਚ 51-100% ਹਿੱਸੇਦਾਰੀ ਵੇਚਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ।

ਇਹ ਲਗਭਗ ਦੋ ਦਹਾਕਿਆਂ ਵਿੱਚ ਦੇਸ਼ ਦਾ ਪਹਿਲਾ ਸਭ ਤੋਂ ਵੱਡਾ ਨਿੱਜੀਕਰਨ(privatisation) ਹੋਵੇਗਾ।

ਪੀਆਈਏ ਲਈ ਬੋਲੀ ਲਗਾਉਣ ਵਾਲੇ ਸਮੂਹਾਂ ਵਿੱਚ, ਪ੍ਰਮੁੱਖ ਉਦਯੋਗਿਕ ਫਰਮਾਂ ਲੱਕੀ ਸੀਮੇਂਟ, ਹੱਬ ਪਾਵਰ ਹੋਲਡਿੰਗਜ਼, ਕੋਹਾਟ ਸੀਮੈਂਟ ਅਤੇ ਮੈਟਰੋ ਵੈਂਚਰਸ ਸ਼ਾਮਲ ਹਨ।

ਇਨ੍ਹਾਂ ਤੋਂ ਇਲਾਵਾ ਇੱਕ ਹੋਰ ਨਿਵੇਸ਼ ਫਰਮ- ਆਰਿਫ ਹਬੀਬ ਕਾਰਪੋਰੇਸ਼ਨ, ਖਾਦ ਉਤਪਾਦਕ ਫਾਤਿਮਾ ਫਰਟੀਲਾਈਜ਼ਰ, ਪ੍ਰਾਈਵੇਟ ਸਿੱਖਿਆ ਆਪਰੇਟਰ ਦ ਸਿਟੀ ਸਕੂਲ, ਅਤੇ ਰੀਅਲ ਅਸਟੇਟ ਫਰਮ ਲੇਕ ਸਿਟੀ ਹੋਲਡਿੰਗਜ਼ ਵੀ ਸ਼ਾਮਲ ਹਨ।

ਹਾਲ ਵਿੱਚ ਫੌਜੀ ਫਰਟੀਲਾਈਜ਼ਰ ਕੰਪਨੀ- ਜੋ ਇੱਕ ਮਿਲਟਰੀ ਸਮਰਥਿਤ ਸਮੂਹ ਹੈ ਅਤੇ ਪਾਕਿਸਤਾਨੀ ਏਅਰਲਾਈਨ ਏਅਰਬਲੂ ਨੂੰ ਪੀਆਈਏ ਲਈ ਬੋਲੀ ਲਗਾਉਣ ਲਈ ਮਨਜ਼ੂਰੀ ਦਿੱਤੀ ਗਈ ਹੈ।

ਪਾਕਿਸਤਾਨ ਦੇ ਨਿੱਜੀਕਰਨ ਮੰਤਰੀ, ਮੁਹੰਮਦ ਅਲੀ ਨੇ ਇੱਕ ਬਿਆਨ ਵਿੱਚ ਕਿਹਾ, "ਪੂਰਵ-ਯੋਗ ਧਿਰਾਂ ਹੁਣ ਖਰੀਦ-ਸਾਈਡ ਡਿਊ ਡਿਲੀਜੈਂਸ ਪੜਾਅ 'ਤੇ ਅੱਗੇ ਵਧਣਗੀਆਂ।" ਅਲੀ ਨੇ ਪਹਿਲਾਂ ਰਾਇਟਰਜ਼ ਨੂੰ ਦੱਸਿਆ ਸੀ ਕਿ ਸਮੀਖਿਆ ਪ੍ਰਕਿਰਿਆ ਦੋ ਤੋਂ ਢਾਈ ਮਹੀਨਿਆਂ ਤੱਕ ਚੱਲਣ ਲਈ ਸੈੱਟ ਕੀਤੀ ਗਈ ਹੈ। ਇਸਲਈ ਅੰਤਿਮ ਬੋਲੀ ਅਤੇ ਗੱਲਬਾਤ 2025 ਦੀ ਚੌਥੀ ਤਿਮਾਹੀ ਵਿੱਚ ਹੋਣ ਦੀ ਉਮੀਦ ਹੈ।

ਦੇਸ਼ ਦੇ ਨਿੱਜੀਕਰਨ ਮੰਤਰਾਲੇ ਨੇ ਇਹ ਵੀ ਕਿਹਾ ਕਿ ਨਿੱਜੀਕਰਨ ਬਾਰੇ ਕੈਬਨਿਟ ਕਮੇਟੀ ਨੇ ਨਿਊਯਾਰਕ ਵਿੱਚ ਸਥਿਤ ਰੂਜ਼ਵੈਲਟ ਹੋਟਲ ਵਾਂਗ ਅਦਾਇਗੀ ਢਾਂਚੇ ਨੂੰ ਮਨਜ਼ੂਰੀ ਦੇ ਦਿੱਤੀ ਹੈ, ਜਿਸ ਵਿੱਚ ਸਿੱਧੀ ਵਿਕਰੀ ਅਤੇ ਲੰਬੇ ਸਮੇਂ ਦੇ ਲੀਜ਼ ਦੋਵਾਂ ਦੇ ਵਿਕਲਪ ਸ਼ਾਮਲ ਹਨ।

ਅਲੀ ਨੇ ਪਹਿਲਾਂ ਰਾਇਟਰਜ਼ ਨੂੰ ਦੱਸਿਆ ਸੀ ਕਿ ਰੂਜ਼ਵੈਲਟ ਹੋਟਲ ਤੋਂ, ਪਾਕਿਸਤਾਨ ਇਸ ਸਾਲ ਦੌਰਾਨ ਪਹਿਲੀ ਅਦਾਇਗੀ ਵਜੋਂ 100 ਮਿਲੀਅਨ ਡਾਲਰ ਤੋਂ ਵੱਧ ਦੀ ਉਮੀਦ ਕਰ ਰਿਹਾ ਹੈ।