ਜੇ ਮੁੰਡਿਆ ਤੂੰ ਵਿਆਹ ਵੇ ਕਰਾਉਣਾ,
ਬਹਿ ਜਾ ਖੇਤ ਦਾ ਰਾਖਾ।
ਆਉਂਦੀ ਜਾਂਦੀ ਨੂੰ ਕੁਝ ਨਾ ਆਖੀਏ,
ਦੂਰੋਂ ਲੈ ਲਈਏ ਝਾਕਾ।
ਜੇ ਤੈਂ ਇਉਂ ਕਰਨੀ,
ਵਿਆਹ ਕਰਵਾ ਲੈ ਕਾਕਾ।
ਤੇਰੀ ਖਾਤਰ ਰਿਹਾ ਕੁਮਾਰਾ,
ਜੱਗ ਤੋਂ ਛੜਾ ਅਖਵਾਇਆ।
ਨੱਤੀਆਂ ਵੇਚ ਕੇ ਖੋਪਾ ਲਿਆਂਦਾ,
ਤੇਰੀ ਝੋਲੀ ਪਾਇਆ।
ਜੇ ਡਰ ਮਾਪਿਆਂ ਦਾ,
ਪਿਆਰ ਕਾਸ ਤੋਂ ਪਾਇਆ...
ਹੋਰ ਪੜ੍ਹੋ
ਮੈਨੂੰ ਕਹਿੰਦਾ ਸੂਟ ਨੀ ਪਾਉਂਦੀ,
ਮੈਨੂੰ ਕਹਿੰਦਾ ਸੂਟ ਨੀ ਪਾਉਂਦੀ,
ਮੈਂ ਪਾ ਲਿਆ ਚਿੱਟਾ।
ਜੇਠ ਦੀ ਨਜ਼ਰ ਬੁਰੀ,
ਮੇਰਾ ਟੁੱਟ ਗਿਆ ਗਿੱਟਾ।
ਜੇਠ ਦੀ ਨਜ਼ਰ ਬੁਰੀ...
ਆਪਦੇ ਬਾਰ ਨੂੰ ਤਖਤ ਲਵਾ ਲਏ,
ਮੇਰੇ ਬਾਰ ਨੂੰ ਸਰੀਏ,
ਜੇਠ ਜੀ ਦੀ ਵਾਰੀ,
ਦੂਰ ਖੜ੍ਹੇ ਗੱਲ ਕਰੀਏ।
ਜੇਠ ਜਠਾਣੀ ਘਿਉ ਖਾ ਜਾਂਦੇ,
ਤੈਨੂੰ ਦਿੰਦੇ ਚਹੇੜੂ।
ਮੱਝੀਆਂ ਨਾ ਛੇੜੀ,
ਆਪੇ ਜੇਠ ਜੀ ਛੇੜੂ।
ਥਾਲੀ ਉੱਤੇ ਥਾਲੀ,
ਥਾਲੀ ਉੱਤੇ ਛੰਨਾ।
ਜੇ ਘੜਾ ਦੰਦਾਂ ਨਾਲ ਚੁੱਕੇਂ,
ਤੈਨੂੰ ਤਾਂ ਮਜਾਜਣ ਮੰਨਾਂ।
ਜੇ ਘੜਾ ….
ਉੱਚੇ ਟਿੱਬੇ ਦੇ ਸਾਧੂ ਨ੍ਹਾਉਂਦੇ,
ਮੇਰਾ ਕਾਲਜਾ ਘਿਰਦਾ ਨੀ,
ਜੀਜਾ ਸਾਲੀ ਦੇ ਸਾਕ ਨੂੰ ਫਿਰਦਾ ਨੀ।
ਜੀਜਾ ਸਾਲੀ ਤਾਸ਼ ਖੇਡਦੇ,
ਸਾਲੀ ਗਈ ਜਿੱਤ ਵੇ ਜੀਜਾ,
ਨਹਿਲੇ ਤੇ ਦਹਿਲਾ ਸਿੱਟ ਵੇ ਜੀਜਾ,
ਨਹਿਲੇ ……..,
ਲੰਮੀ ਲੰਮੀ ਕਿੱਕਰ ਕੁੜੀਓ,
ਵਿੱਚ ਵੱਜੇ ਕੋਈ ਨਾ,
ਜਿੱਥੇ ਸਹੁਰਾ ਸ਼ਰਾਬੀ,
ਨੂੰਹ ਦਾ ਹੱਜ ਕੋਈ ਨਾ।
ਜਿੱਥੇ ਕੁੜੀਓ ਆਪਾਂ ਖੜ੍ਹੀਆਂ,
ਉਥੇ ਹੋਰ ਕੋਈ ਨਾ,
ਜਿੱਥੇ ਸੱਸ ਮੁਟਿਆਰ,
ਨੂੰਹ ਦੀ ਲੋੜ ਕੋਈ ਨਾ।
ਹਰੀ ਹਰੀ ਕਣਕ ਦੁਆਬੇ ਦੀ,
ਜਿਹੜੀ ਗਿੱਧਾ ਨਾ ਪਾਊ ਰੰਨ ਬਾਬੇ ਦੀ।
ਜਿਹੜੀ ਗਿੱਧਾ ……..
ਸੁਣ ਵੇ ਮੁੰਡਿਆ ਕੈਂਠੇ ਵਾਲਿਆ,
ਖੂਹ ਟੋਭੇ ਨਾਂ ਜਾਈਏ।
ਵੇ ਖੂਹ ਟੋਭੇ ਤੇਰੀ ਹੋਵੇ ਚਰਚਾ,
ਚਰਚਾ ਨਾਂ ਕਰਵਾਈਏ।
ਵੇ ਜਿਸਦੀ ਬਾਂਹ ਫ਼ੜ੍ਹੀਏ,
ਸਿਰ ਦੇ ਨਾਲ ਨਿਭਾਈਏ।
ਵੇ ਜਿਸ ਦੀ ਬਾਂਹ ਫ਼ੜ੍ਹੀਏ...